NU LEH PA TE HNEN ATANGA LEHKHATHAWN

NU LEH PA TE HNEN ATANGA LEHKHATHAWN

Ka fa ..

Ka upat hun chuan min hriatthiam'a
Dawhthei taka min en ka beisei .
ka mit that tawh loh vanga
Thleng ka tih keh palh in emaw ..
Dawhkan'ah chawhmeh tui ka tih buak palhin ..
Min vin loh hram ka beisei ..!!
Upa te chu an rilru a no a ..
Min vin chuan mahni inkhawngaihna in kan khat thin .
Ka beng a that tak lohva
I tawng ka hriat theih loh hun chuan ..
bengngawng ti a min koh loh ka beisei ,
Khawngaihin sawi nawn leh mai rawh ..
Anih loh leh min ziah sak mai rawh .. !!
Pawi ka ti lutuk ka fa ..
Ka lo upa ta ani e .
Ka khup te anlo chak loh hun chuan ..
Min kaitho turin dawhtheihna i neih ka beisei .
I naupanlaia kal i zir'a ka puih thin ang che khan .
Record hlui tawh ang maia ka thil sawi
Ka sawi nawn chhen hunah ..
Min ngaihthlak hram ka beisei ..!!
Khawngaih takin min nuihzat lovin ..
Fiamthu thawh nan min hmang lovang che .
I la hre reng em ..
I naupanlaia baloon i duh a ,
I duh i neih hmaloh zawng i sawi nawn chhen kha .. ?
Ka rim pawh hi min hrethiam ang che ,
Upa tawh tak rim ka nam si a .
Inbual turin min tilui suh ang che .
Ka taksa a chak tawh lova ..
Upa te chu an taksa a vawhin an damlo thuai thin si a .
I naupanlai kha i la hre reng em ??
Inbual i duh loh vanga ka um kual thin lai che kha ..!!
Ka phunchiar anih pawhin min hrethiam ang che ..
Upatna in a ken tel vek ani e .
I upat hunah i la hrethiam ve ang .
Hun awl i neih chang chuan ..
Kan inkawm theih ka beisei .
Minute tlemte pawh ni mahse .
Biak tur nei lovin keimahin ka awm reng thin si a .
I hna ah i buai tih ka hria .
Ka thil sawi tur ngaihnawm tilo mahla ,
Khawngaihin ka tan hun nei hram rawh .. !!
I naupanlai kha ila hre reng em ..
I teddy bear chanchin ka ngaihthlak sak thin che kha ..
Ka hun alo thlen'a ..
Ka chak loh a khuma ka mut hunah .
Min enkawl turin dawhtheihna i neih ka beisei .
Khum ka ti huh palh'a ka ti bal palh anih pawhin .
Min ngaidam dawn nia .. !!
Ka hun hnuhnung reilote ah min enkawl turin dawhtheihna
I neih ka beisei .
Rei ka daih dawn chuang silova .. !!
Ka thih hun chuan thihna hmachhawn ngam turin ,
Ka kut min vawn sak ka beisei .
Lungngai suh ..
Min siamtu ka hmuh hun chuan ..
A bengah malsawm tur che in ka hrilh ru ang .
A chhan chu i NU leh PA i hmangaih si a .
Min ngaihsakna avangin ka lawm lutuk e ..!!
Kan hmangaih che ..
Hmangaihna tam tak nen ..
I NU LEH PA