Arsi kehthem Kum maktaduai 4.565 a upa hmuchhuak

Khawvel mihringte leh MSR member nuai 2 leh singli chuangte ngaihven zawng leh tuipui zawng ain ang lo nasa! Tunkar Ningania tihchhuah “Nature Communications” chuan, Mauritania, Africa hmar thlang lamah lung chang mak tak, Arsi tla keh them (meteorite)niawm tak, kum tluklehdingawn 4.565 a upa chu Scientists ten an hmuh chhuah thu a ziak.

Scientist te chuan kan chenna Lei (Planet) hi, kum tluklehdingawn 4.6 zeta upa niin an ring a, an sawi thin.

He Mauritania hmuna “lung” (meteorite) an hmuh chhuah hi, an hmuh chhuah tawh zinga upa ber niin an sawi a, he thil hian “Solar system thuruk” engemaw chu a hrilhfiah theih an beisei hle a ni.

Lung (rock) zing chiangtu, Scientist Daniel Dunlap of Arizona State University of Meteorite Studiy chuan, “Hetiang lung hi kan hmuh tawh thin nen a inanglo hle a, thil tam tak hmuh chhuah belh tur a awm a rinawm a ni” a ti.

Leilung leh a chhunga thil awm chauh ni lo, Lei leh Van Siamtu ropuizia hi mihringten an la hrethiam pha tak tak dawnin alang lo ve!

July 25 zan khan Greenland ramah Arsi tla nge, missile tih hriat loh eng chak tak (cryptc fireball) chu US Air base bulah a tla eng zuai bawk a, NASA Space Explorer Ron Blake, Jet Propulsion Lab a thawk chuan, Russian nuclear strike a ni lova; attitude 43.3km ah lain a chak zawng (energy) hi 2.1kiloton ang a ni, a ti.

Hans Kristensen chuan, Thule Air Base, Greenland bulah kum 1940 hnu lama “Meteor” a lo tlakna a ni, a ti.

Author : CT Lalrinawma

Source Link