OLYMPIC GAMES SYMBOL AWMZIA LEH A LO CHHUAHDAN LEH

Olympics chhinchhiahna, rawng chi hrang hranga chei bial panga kan hmuh te hi khawvela chhinchhiahna hriat hlawh ber pawl ni in, he chhinchhiahna hi lemziak thiam ten an ziak leh, fakna siamtute’n an siam chhuah a lo ni hauh lo mai.

Olympic Symbol

He chhhinchhiahna symbol hi Olympic games hmuchhuaktu in a kut ngeia a thawhpui pakhat hnena a lehkhathawna a ziah alo ni daih mai, awmze thuk tak an nei zui nghe nghe bawk.

Thupui luh hma in a chanchin tlem han tarlang hmasa ta i la.

French(tunah chuan France tiin kan hre tawh)Ram historian ropui leh khawvel infiamna kawnga sul sutu ropui Pierre de Frédy, Baron de Coubertin hi 1 January 1863, khan Paris, Frence rama lo piang niin. International Olympic Committee (IOC) President nihna chelh thei pahnihna a ni a, Pierre hian 1895 khan marie nen innei in,an inneih hma atang tawh a chhungkaw inpawh leh in thian tha tak an ni .

Pierre hi pa vamduai tak mai niin a fapa jacques chu pian tirh a tanga hrisel lai reng reng nei lo a ni a,an fanu Renee lah rilru lam buai niin a thih thleng a pasal nei thei lo in a awm bawk a,marie leh pierre te chu an mahni leh mahni inhnem tawnin an nung a ni ber e, an tupa te pahnih lah 1 world war-khan thah an ni leh ta zel a,vanduai nupa tak an ni kan ti thei ang, 2 September 1937 khan kum 74 mi niin
Geneva, Switzerland ramah Heart attack vangin a lo boral a, a nupui marie pawh chu kum 1963 khan alo boral ve tawh bawk a ni.

Kum 1894 khan Baron de Coubertin hian hmanlai Grik hovin an huaihawt thin Olympics chu rawn tihnun leh a rawt chhuak a, chu a rawn rawtna ang ngeiin chuan kum 1896 khan Olympic Games hi vamawikhat nan an huaihawt ta a, Olympics rawn pianchhuahna hmun Athens{Greece} ram ah nghah ngal niin, hemi tum Olympic games ah hian ram 14 an tel nghal a ni.

Hun lo kal zelin Olympic games kan hriat lar tak leh infiammi ten Olympic medal lak an lo chak thin em em chu a rawn thang chho zel a, kum 1912 khan Stockholm hmunah Olympic Games an nghat leh a, hemi tum pawh hian mihring chenna continent zawng zawng – North/ South America/Africa, Eurasia (Europe leh Asia) Oceania atang ten infiammi an tel ta a, Rinphakbak aia tam infiammi an tel nghe nghe a. Hemi kum vek hian Coubertin chuan tuna Olympics chhinchhiahna kan hriat lar em em mai rinbial panga rawng hrang hrang te hi a phuah chhuak ta a, hei hi a thawhpuipa hnenah a thawn a ni.

Coubertin chhinchhiahna phuaha bial panga(5), rawng chi hrang hrang te hian continent panga te ai a awh a, an vaia an inkawkalh vek nachhan pawh hian awmze thui tak nei in,chumi awmzia chu ram tin te Olympics vanga inzawmna tha an nei a ni tih tilang tu atan hman a ni a, Heng rinbial panga te hian rawng hrang theuh nei bawkin heng rawng paruk (rinbial a tel velo background a an hman rinbial panga hnunga var chhiar tel in) te hian khatih hun laia ram awm zawng zawng ten an ram flag-a an hman rawng awm te a entir vek bawk.

He chhinchhiahna(Symbol) hi kum 1916 khan official takin Olympics chhinchhiah nan an hmang tan a, vawiin thleng hian tihdanglam miah lohin an la hmang zui ta zel a, tunah chuan Ram 206 lai Olympic Games ah an tel ta a ni.

Source : Mizo Archive