ELECTION MANIFESTO 2018 (MPCC)

MLA GENERAL ELECTION 2018 : CONGRESS PARTY MANIFESTO

Kum 2013 inthlanpui laia kan Manifesto-a kan lo dah tawh, a bul kan lo ṭan tawhte chu kan chhunzawm zel ang a, tihhlawhtlin atana ṭha, a bul kan la ṭan hman lohte pawh theihtawpin kan bawhzui zel dawn a. Chutiang kan hmachhawp hrang hrang chu tuna kan Manifesto-ah hian kan rawn dah nawn kher lova. A hnuaia kan han tarlante hi Sorkarna kan chan leh chuan kan ngaihpawimawh hmasak tura kan chhawp chhuahte an ni :-

01. Mizoram mipui mamawhna en chungin NLUP hi kan chhunzawm zel ang a. A ṭul dan a zirin a Kaihhruaina (Guidelines) pawh siamṭhat zel a ni ang a. Pawisa hlutna tlahniam zel avangin ṭanpuina pawh tihsan a ni ang.

02. NEDP hi kan chhunzawm zel ang a. NEDP aṭang hian ṭhalaiten mahnia

eizawnna an neih theih dan tur kawng hrang hrang zau zawkin kan ruahman zel ang.

03. Thingtlang leh khawpuia cheng miretheite chenna in sakna tur Scheme, tuna kan kalpui mek aia nasa zawk hian kan kalpui ang a. Police Department leh Education Department hnuaia thawktute Quarters sak dan tur pawh kan ruahman ang.

04. Mizoram State Health Care Scheme leh India Sorkar Health Care Scheme, Pradhan Mantri Jan Arogya Yojana (PMJAY) te chu kaihfinin, tunah hian damlote'n Rs.5,00,000/- thleng an hmulet thei tawh a. Amaherawhchu, hmang ṭangkai thei lo mi tam tak an la awm avangin mi zawng zawngin an hman ṭangkai theih nan hma kan la ang a. Chhungkaw harsa zual, natna khirh tak tak tuartute'n Rs.5,00,000/- aia tam pawh an hmuh let theih nan ruahmanna kan siam bawk ang.

05. Doctor awm lohna hmuna damlo, rang taka Doctor awmna hmun

Damdawi In hnai an thlen vat theih nan leh hmun dang pan leh ngai a nih

pawha an pan nghal zung zung theih nan Ambulance Network mumal tak kan siam ang.

06. Mizoram Institute of Medical Education & Research (MIMER) hi India rama Damdawi lam zirna hmun ṭha berte zinga lang phak ngei turin kan enkawl zui ang.

07. Pianphunga rualbanlo, fahrah, hmeithai, parawl leh chhungkaw vanduai bikte hnenah chhawmdawlna tam zawk kan pe ang.

08. Kum tinin HSLC leh a chunglam pass thar zawng zawng hnenah a

thlawnin Laptop kan pe vek zel ang a. A bul ṭan nan HSLC leh a chunglam

pass tawh, eizawnna nghet la nei lo zawng zawng hnenah Laptop kan pe vek ang.

09. Science, Mathematics leh Technical lam zirna kan ngaipawimawh zel dawn a. Heng zirna kawnga harsatna kan neihte sukiang tur hian theihtawp kan chhuah zel ang. Chutih rualin, Science leh Mathematics tel lo hian HSLC chunglamah zir tur tam tak a awm avang leh thawh tur tam tak a awm tho avangin Science leh Mathematics lama harsatna neiten heng Subject tel lova HSLC an paltlang theih nan ruahmanna kan siam ang.

10. College leh University zirlaite'n Excursion leh Study Tour an neih ṭhin

theih nan kum tin Budget-ah sum kan dah ang.

11. Mizoram zirna kalphung hi Mizoram Education Reforms Commission Recommendation leh zirna lama entawn tlak ramte tihdan en chungin

siamṭhat ngai apiang siamṭhat chhunzawm zel a ni ang.

12. Ruihtheih thil avanga harsatna tawkte enkawl hna hi mi inpete, Kohhran leh Central YMA ten theihtawp chhuahin an thawk reng a. Sorkar pawhin theihtawp chhuahin, hetiang lama harsatna tawkte enkawlna hmun, Rehabilitation Centre changtlung tak, a ṭul zat zat kan din ang a. Hetiang harsatna tawk hi an tlem tial tial theih nan Kohhran leh Tlawmngai Pawlte nen thawk hovin Sorkarin Counselling Centre hmun hrang hrangah a din bawk ang.

13. Sorkarna kan siam aṭanga kum khat chhungin chhiatrupna (Disaster) thleng thei atana kan inbuatsaih lawk dan tur leh chutiang ichhiatrupna a lo thlen thulha kan hmachhawn dan tur ruahmanna kan lo siam tawhte hi ennawnin, siamṭhat ngai apiang kan siamṭha ang a. Hetiang chhiatna lo tlen avanga Central Sorkar aṭanga ṭanpuina kan hmuh ṭhin belhchhah nan kan State Budget-ah sum kan dah bawk ang.

14. Ramngaw, nungcha leh tuihna humhalh kawngah a neitu mipuiten nasa zawka tha an thawh theih nan ruahmanna kan siam ang a. Hemi atan hian Budget-ah pawh sum kan dah zel ang.

15. Hmasawnna hnathawh hrang hrang, kawng laih leh a enkawl zui chungchangah te, Electric line enkawl leh Energy Bill khawn chungchangahte leh thil dang dangah mipuiten tha an thawh ve theih

nan ruahmanna kan siam ang.

16. Hydel Project ngaihthah chuang lovin, tun aia nasaa Nizung Chakna kan hman ṭangkai theih nan Solar Power Plant kan siam belh zel ang a, thingtlang hmun kilkhawr zawkah a tam thei ang ber siam kan tum ang.

17. Sorkar Department hrang hrangte hnena sum pek hmanna tura Project

siamte ngun taka zir chiang a, kalpui chi a nih leh nih loh chungchanga

thutlukna siam tur leh, hna thawh a nih laia enzuia vilvengtu tur,

thuneihna sang tak nei, “Project Assessment & Monitoring Committee” kan siam ang a. Hemi atan hian State Planning Board pawh thuam ṭhat a

ni ang.

18. Tourism-ah nasa zawkin hma kan lak chhunzawm zel ang a. Hemi kawnga kan mamawh, Institute of Hotel Management, a building pawh kan sak zawh tawhah hian a rang thei ang berin zirna kan ṭan bawk ang.

19. Music leh Fine Arts lam tihhmasawn nan hma kan la zui zel dawn a. Tuna Amphitheatre leh concert lian leh inkhawmpui lian nghah theihna tur Convention Centre kan tender mek tawhte bakah hian infrastructure lamah leh zirna lam thlengin chak takin hma kan la ang.

20. Lirthei hmanga infiamna (Motor Sports) lama kan ṭhalaite tuina leh theihna hi tihtak zeta tuipui tham a nih avangin, tuna infiamna hrang

hrang kan chawikang mek ang hian Motor Sports lam hi nasa takin

tihmasawn kan tum ang a, Racing Track pawh kan siam ang.

21. Central Sorkar Dan, “Working Journalists and Other Newspaper

Employees Condition of Service Act, 1955” hi Mizoramah a tak taka hman hleih theih a nih loh avangin Journalist-ten hamṭhatna an hmuh theihte ennawnin kan siam ṭha ang.