HRANGCHHUANA (Jupiter) Thlalak Thar Chu

HRANGCHHUANA THLALAK THAR 

– Familia Fanai Laltansanga 

NASA  chuan kum 2011 khan ‘Hrangchhuana’ kan tih mai Jupiter zir chiang tur Juno a kap chhuak a, Juno hian Hrangchhuana hi a hel reng a, ni 53-ah vawi khat a hel chhuak ziah a, a changin Hrangchhuana bul hnai ret-ah a zuk bir a, thla a la zel a, Hranchhuana chhimtawp leh hmartawpa thlalakte chu khawvelah a rawn thawn zel a. Thlipui a lo tleh chiam ţhin a lo nih hi. 

Jupiter hi Nî heltu planet zinga a lian ber a ni a, nî atanga ni heltu pangana a ni. Mizo piputen Hrangchhuana an tih ve ve Jupiter leh Saturn te hi boruak hlir ( Hydrogen leh Helium) an ni a, Uranus leh Neptune te hi vur khawn hlir an ni thung a. Jupiter hi Chawngmawii (Venus) leh Siaia (Mars) tih lohvah chuan zana arsi anga lang fiah ber a ni.