DARPHAWKA

JANUARY NI 11 CHANCHINTHA THLEN CHAM LEH CHANCHINTHA THLEN TUR PUANG LAWKTU DARPHAWKA

TUIFINRIAT RÂL ATANGIN MI NGO AN LO KAL ANGA, AN THU LO AWIH ANG CHE U.

(11. Jan 2019 hi Mizoram a Chanchintha thlen cham, kum 125 na a ni.)

Mizo te hi thingbul, lung bul bia, ramhuai hnena inthawi thin kan nia, Pathianin Chanchintha kan dawn tur thu hi kum 1882, 1885, 1890 1895 heng kumah te hian Pu Darphawka Khiangte mangah( zêl anga awmin) hriattir alo ni tawh ani. ( Mumang han tih hian amah hi a muhil lo niin a chhungte chuan an sawi a, mahse biak theih ani lo a, kawmtu leh kawm a neih thu hi an hriatpui lawi si ani.)An Thusawi lo awih ang che u tiin Zoram Mipui te hrilhin a tlangau a.Chu a Tlangau leh a Thusawi chu kum 1894 ah ah alo thleng dik chiah mai.J.H.Lorraine Pu Buanga leh S.W .Savidge Sap Upa te an lo lang hlawl mai.Rev William Williams te,Zosaphluia,Zosapthara leh Midang dang te an lo kal ta.Darkhuang Tlangah Ruah thli leh Țek tla uai uai karah Pu Darphawka hnen ah hian Pathian a inpuang.Sinai tlanga Mosia hnena Pathian lnlarna leh lnpuanna nen khan a in ang hle a ni.Tin anmahni ln ah Pathian a hnen ah a lnpuang leh " Mihring Siamtu kan ni" ti in a hrilh 

Tuifinriat râl atangin mi ngo ( Sap) an lo kal anga, an thu lo awih ang che u tiin alo hriattir a, Sapram atangin Zosap Missionary te chu lo kal tak tak ta in, Chanchintha meichher an lo chhi kai ta a, keini pawhin chu Chanchintha meichher chu kan lo chhawr ta viau anih hi.

Pu Darphawka Khiangte hi Baichi khua ah thiin a ruang an phumna hmun ani a, kum 1993 khan a tute chuan Baichi khua rauhsan tawh atang chuan a ruhro la chhuakin Pathian tlâng an tih mai, Theiriat ah an phum leh ta ani. 

Mak ve ang reng tak chu, Pu Darphawka Khiangte ruhro an phum that ni hian Biak in a inkhawm hunserh neih chhung zawng hian Mû pathum in Biakin chung zawnah vilin an thlawk kual reng a, an phum that zawh hma chuan a thlan chung zawnah kil thuma i thenin, lungthu anga awmin an vil leh a, an phum fel veleh hian heng mu te hi an thlawk bo leh nghal ani. Tin, a thihni, a ruang an phum anih lai pawh hian a thlan chungah Muvanlâi a thlawh kual reng thu hi an sawi bawk ani.

A ruang an phumna hmasa Baichi tlangah hian a tute hian, a thlan lung tha tak siamin a lung an phun sak a, 10. Jan. 2019 hian a thlan hmun, Baichi tlang, Dâwn khaw chhak tlangah hian Mei det an tum nghe nghe ani. Lunglei khawpui leh a chheh vel khua engemawzat atangin he mei det hi lang thei tura ruahman ani.