MLA MOTOR LEINA TIHPUN DUH LO

MLA MOTOR LEINA TIHPUN DUH LO

Aizawl 16th January, 2019: 

PRISM Party chuan MLA te motor leisakna tur tihpun a, MLA te tana mipui sum cheng nuai 80 senbelh tur hi kan duh lo.

Mizoram MLA te hian thla khatah Rs 40,000/- hlawhin Constituency Allowance Rs 10,000/- te, Contingency Allowance Rs 5,000/- leh Family Allowance Rs 5,000/- te nen thla khatah Rs 60,000/- an la a. Personal Assistant 1, Personal Attendant 2 leh Driver 1 pek an ni bawk a. Chenna pek niin mahni ina an chen pawhin an in cheina tur term khat chhungin cheng nuai 3 pek an ni a. Damloha enkawlna te, zinna te, telephone te, tui te, electricity te tam tak tum sak an ni a. Pung tlem chiin housing loan cheng nuai 10 leh motor loan cheng nuai 4 an la thei bawk a. Kan ram dinhmun atanga thlir chuan heng hi a tha tawk ni mai lovin a tam mah mahah ngaiin PRISM Party chuan sorkar phei ila chu tihtlem kan tum sa a ni.

Heng mai hi ni lovin mipui sum atangin motor leisak an ni a. Motor leinan hian a hma khan mi pakhat tan cheng nuai 8 hman thin a ni a. Tunah hian General Purpose Committee in motor leina tur hi mi pakhat tan cheng nuai 10-ah tipungin MLA pakhat zelah cheng nuai 2 theuh sen belh ngai dawnin a vaia chhut chuan hmasawnna hnathawhna tur cheng nuai 80 hemi atan hian hman pen a ngai dawn a. PRISM Party chuan hei hi kan duh lo a. Nawmchenna lama sum sen belh hi hmasawnna tithuanawptuah kan ngai a. Dodal turin mitin kan sawm a ni.

PRISM chuan Kristianna hi a tha bik a ni tih lan tir a, kan Pathian chawimawi tur te; kan chhehvel hnam te aia ropui zawk kan nih lantir tur te; Zohnahthlak (Zofa) te inpumkhatna atana kan unaute hipkhawm tur tein – Mizorama ram ralmuang, dik leh fel taka ro inrel, hna neilo awm lohna, mi hrisel leh hlim chenna, ram hausa, hnam dang ten tlawh an chak ram dinpui atana mitin kan sawm che u a ni

No. PRISM/VI/2018-19/93 dated 17.01.2019

Hemi chungchang kan President thusawi link ka dah tel e