UNION TERRITORY THAR A PIANG TA

ARTICLE 370-NA NUAI BO A NI TA!

India Map Thar Chu

India ramah UT pahnih a pianbelh dawn a, Jammu & Kashmir state chu Union Territory-ah (Legislature hrang neiin) dah an tum a, Ladakh Union Territory-(Legislature hrang nei ve lovin) siam a ni bawk dawn a ni. Enge a danglamna le? He thil hian enge nghawng a neih tak ang le?

Article 370 

Jammu & Kashmir chu representative neiin, an inthlang ve thei tawh dawn a. Ladakh erawh chu legislature nei ve lovin, Lieutenant Governor in a kaihruai thung dawn a ni. Tun dinhmun ah hian Satya Pal Malik chu Ladakh huamin J&K Governor tanglai mek a ni. 

Heti hian, India chuan State 28 neiin, UT hi 9 a nei ta a ni. Enge a chhan ni ta ang le?

Indian Constitution a scheduled hmasa bera part II ah khan UT pasarih - Andaman & Nicobar Island, Dadra & Nagar Haveli, Daman & Diu, Lakshadweep, National Capital Territory of Delhi leh Puducherry te an awm a. Delhi leh Puducherry tihloh, UT dangte hian tun dinhmun thlengin legislature hrang nei lovin an la awm a ni. 

Heng UT-te hian sawrkar nei hran lovin, Lieutenant Governor kaltlangin Central Government hian a enkawl (administer) a. A nihna takah chuan, President ai a awh a ni ber mai.

Heng UT te hian an duh chuan legislature hran neiin, state ang tho va member leh Chief Minister te an thlang thei nâ a, an power erawh state government aiin a hniam zawk a ni.

Article 240 in enge a sawi ve le?

India President chuan UT nisi, mahnia legislature nei lote tan regulation a siam thei a ni.

LEGISLATURE NEI UT-TE CHU?

President chuan UT te chungah meeting an neih hmasak ber ni atangin regulation siam danglamna turin thuneihna a nei tawh lo.

Legislature chu dissolve lo ni ta se :

Chu UT tan chuan President in thuneihna a chang leh nghal.

J&K hi engtin nge India ram alo nih ve?

October 26, 1947 khan Maharaja Hari Singh chuan India zawnna thu chu a lo sign tawh a ni.

He article hi tihdanglam/thaibo a ni ta a. Chu chuan enge nghawng a neih tak ang le?