Aam Admi Party

KUM 5 SAWRKAR

DELHI ah Aam Aadmi Party(AAP) in an kum 5-na an hmang zo ṭêp a. Kumtharah inthlanpui an hmachhawn ang.

Kum 2015 hma lamah kha chuan current an thim ngun ve hle ṭhin a. Electric bill pawh a sâng ve ṭhin hle. An sawrkar hlimin electric bill chu a chanve-ah an tihniam nghal a. Tunah hian ramchhung a electric bill tlawmna ber an ni mek a, darkar 24 chhung êng pêk an ni bawk. Ni khat chhunga darkar 1 current a thim a nih chuan company in mipui hnenah compensation a pêk a ngai. Inverter leh generator neih chu changkân leh hausak teh nan a laktlâk ve tawh lo!

A hma a tui dawh tur leh khai tura motor kawnga tuiphur motor nghâka intlar ṭhup leh tui inchuhbuai ṭhin kha, tunah chuan chhungkua 93% chuan an chenna inah tui an herh haw par par thei ta a. Thla khata tui 20000ltr aia tlem hmang te tan tui bill chawi a ngai lo bawk.

 Zirna lamah pawh a hma chuan, Mizoram ang tho in sawrkar sikul a chhe hle a. Nu leh paten fate dah nan an sit ve ṭhin. Tunah chuan a ni tawh lo a, Khawvel hriat thamin zirnaah hma an sawn.

Hriselna lamah, a hma a sawrkar hospital changtlung lo leh pan hlawh lo tak ṭhin kha tih hmasawn a ni. Hmanraw ṭha leh damdawi ṭha, man chawi lovin mipui banphakah an chhawp. Sawrkar damdawiina awm man leh damdawi man leh inzaina senso zawng zawng pawh a thlâwn vek ! Veng tinah  khawvel hriata lâr clinic, 'maholla clinic' dah ani. Man chawi ngai lova damdawi pêkchhuahna hmun a ni. Khawvel a dengchhuak lehpek !

Delhi Education minister, Manish Sisodia hi kumin August thla khan Moscow ah khawvel pum huap intawhkhawmna hmun pawimawhah tel tura sawm ani a, Delhi Education System hmasawnna chungchang sawi tura beisei a ni. Amaherawhchu, India(Central) sawrkar(BJP)-a External Affairs Ministry chuan Sisodia hi Moscow kal phalna a pe lo!

Nikum kum tawp lamah khan Delhi Health Minister, Satyendra Kumar Jain pawh hi Melbourne University in Delhi Health dept hnathawh ṭhat êm avangin Melbourne tlawh turin an sawm a,  Modi sawrkarin permission a pe lo leh !

 Kar kalta a Copenhagen khawpuia C-40 Summit ah khan Delhi CM, Arvind Kejriwal chu conference a tel tura sawm ani a, Modi sawrkarin kal phalna a pe duh lo leh! Mahse, C-40  Cobference ah hian video conferencing tala thusawi tura sâwm a ni lehzel a. Chu erawh chu dan hleih theih a ni chiah lo a, A thusawi video pho lan ani ta a ni. BJP huat tur engmah a sawi lo.

India ramah hian AAP tluka mipui sawrkar hi hmuh tur an la awm lo niin a lang.

Arvind Kejriwal hi IIT chhuak Engineer ani a, Income Tax officer (IRS) hna kalsana politics a lut a ni. A nupui pawh IRS Officer tho. 

Delhi ah hian a hma chuan chhiah âwl rûk ching tam tak an awm ve ṭhin a. Income Tax dept hian chung mite chu an veh nasa ṭhin hle. Tunah chuan veh kual veh kual ngai lo leh tuk luih ngai lovin Delhi sawrkar a chhiah lut erawh a lêt thum dâwnin a pung thung si. Lehkhathiam, a ngaihna hria te hian huaisen taka ram leh hnam, a huam zau thei ang ber tur hmasawnna an ngaihtuah tak zet anih chuan kawng zau tak a lo la inhawng ani tih a lang hle a ni. 

Mipui chhiah tlingkhâwm kha mipui tân vêk hman a nih miau chuan miin chhiah pêk an lo hreh lêm lo tih a hmuh theih bawk.

~Lalramzaua Ralte

🇮🇳🇮🇳🇮🇳🇮🇳🇮🇳🇮🇳🇮🇳🇮🇳🇮🇳

KUM 5 CHHUNGIN CORRUPTION NUAIBO THEIH BEISEI- 

Delhi CM Arvind Kejriwal

Delhi CM atan lakluh a nih hnu-a  Arvind Kejriwal  a thusawi langsar zualte;

• Delhi khawpuia VIP culture hi nuai bo ka duh.
• BJP khan inthlan dawn khan Delhi mipuite hnenah State pek an tiam a, an tiam ang ngeiin Delhi hi State an pe tur a ni.
• Centre sorkar hian State tinte harsatna engkim an sutkiansak theih a beiseiawm hran lo va, an thutiam erawh an hlenchhuah ngei kan beisei a ni.
• Lokpal bill hi a pawimawh khawp a, a rang thei ang bera pass a ngai a ni.
• Delhi hi India ram state zinga eirukna fihlim state pakhatna a ni tur a ni.
• Dan leh thupek kengkawhtute ka hrilhlawk a che u, thil dik lo intih vaih chuan tumah kan dim dawn lo tih lo hria ang che u.
• Delhi mipuite rawng hi theih tawp chhuahin kum 5 chung kan bawl dawn a ni.
• Keini hi induh leh chapo tur kan ni lo tih kan hriatnawn fo a ngai. Kan hawisan chuan hna kan thawk tha thei lo vang.
• Kan hnehna hi Pathian thiltihtheihna, Pathian thiltihmak a ni,sakhaw hrang hrang zuitute thlantlin kan nih avangin.
• Delhi mipuite hian min hmangaiha min duh a ni tih ka lo hre tawh thin a, hetiang em em hian min lo hmangaih ang tih ka lo hre ngai lo a ni.
• Mipui ten chhiah tha takin inpe tur a ni a,a tangkai thei ang berin hman kan tum ang, in chhiah pek hi tumah-in an eiru lo tawp ang.
• PM Modi hnenah intawiawm tawn a tul tih ka hrilh tawh.
• Kiran Bedi hi farnu anga ka neih a niin Congress Ajay Maken thurawn lak fo ka tum ang.

~Familia Fanai Laltansanga