HNAHTHIAL DIST THAR LAWMNA HMUN AH Dr.ZR.THIAMSANGAN THU A SAWI

Vawiin Dt.18.Oct.2019 a Champhai North bialtu Dr.ZR.Thiamsanga MLA chuan Health Minister Dr.Thangtea țawiawmin Hnahthial Dist thar lawmna ah thu a sawi a.

"Hnahthial hi Independence Day khan kan Minister zahawm tak hi ka rawn ṭawiawm tawh a. Vawiin ni ah ni pawimawh ber, ni chhinchhiahtlak, Hnahthial mipuiten in sualchhuah liau liau. Chu in sualchhuahna Pathian leh kan Sorkar in a tihlawhtlin tak lawmna ni hi ni chhinchhiahtlak a ni kumkhua tawh ang. Hnahthial hi in vannei hle, Minister Vision nei ṭha tak mai in nei a ka lawmpui em em che u a ni.

Kan Health Minister leh Chief Minister te thawhrimna a zarah Health Department chuan bungthar Mizoram Health Care kan han nei ta a, Miretheite tan a thlamuanthlak ta hle a ni. Amaherawhchu tuten emaw an lo sawi bawrhbang a; Anmahni tih theih loh kan han tihlawhting hi min lawmpui a hnekin, min chirhtheh nan an hmang a. Mizoram Health Care Scheme hi India ram state dangah pawh a awm lo hrim hrim. Kan Medical College ZMC pawh a tihchangtlun hna kan hotute zarah kan thawk zel a, MCI pawhin kan Deficiency 20 kha kan sorkar theihtawp chhuah zarah engkim peihfel mek zel a ni. District Hospital tihchangtlun hna nasa taka kalpui a ni a.

Kan hnam, kan sakhua hmalam a en zel theihna turin MLA, MINISTER leh MIPUITEN theihtawp i chhuah zel ang u. Hnahthial hi in inlungrual em em mai a. Tin, khaw entawntlak in ni a, District dangte entawn ni zel turin ṭan lo la zel turin ka ngen bawk che u," tiin sorkar hmalakna leh fuihna thu a sawi  a ni.

Source : WA