PARTY HRANG HRANG WORKER MIZIA

PARTY HRANG HRANG WORKER MIZIA
By David Sailo

Thu khal tak hmangin kan Post zing a, tun tum chu a hlimawm hawizawngin Party Worker hrang hrang ve thung aw.. Han sawi zawm ve tú...

  MNF 

Veng khatah pawh pa tum lum deuh tak, sawi hreh nei lem lo, mi vau khur khur lama chak tak, fingvar vaklo an ni duh. An ruh ve rut ringawt a, a thatna leh that lohna chhut thiam khawpin an fingvar tlat lo. Thlanlaih nikhuain zah-mawh leh thu phawk-phawhraw pui pui sawi an hreh lo. Party thlavang hauh nan chuan an thinrim hma hle a, hnial thui chi an ni lo. Kut thawh mai pawh an hnial lo mai thin. MNF Manifesto leh kalphung zawh thui tlak tak tak an ni lova, an Effi em em ringawt mai a ni. Party dang fing taka beih dan pawh an thiam chuang lo. Mawl ruh tlat an ni ber mai, an chan thatna tura ke pen pawh an thiam chuang lo.

 CONGRESS

An  hawiher a zau hret a, mahse an phakar viau thung. An nui der thiam hle. An tawngkam a tha a, mi biangbiak an taima, an rilru ni miah lova mi kawm an thiam hle a, rilru nei ranin an nui lui thiam thin. An chan thatna tur a nih chuan an thiante an lan hreh lova, an hek hreh hek lo. Fing firfiak tak an ni. An thangkama mi awh tir an thiam em em a, biak that tur leh namnul tur an hre hle. Hotute zingah pawh zui tur leh Support tur bik an thlang thiam hle a, an awmna tualchhung Kohhran ah pawh Upa thleng pha chiah si lova in hawlh lawr an thiam hle. Mi fuihpawrh leh bawl an thiam hle a, ram aiin an mimal dinhmun hi an No.1 tlangpui. An chan thatna tur chuan Party dang zawm thut pawh an hreh lo, an men kar avangin. 

ZPM

 An intifing hle a, Pawl dang aia zahawm leh mi thlir berah an in ngai tlat thin. Party dang zawng aia a ngaihna hre zawkah an inhmu a, hnialkhan an hria a, tan chhan vawn ban an inti nei tha hle. Hei vang hian misualte tana belh ngam loh khawpin an in chhuah mek a ni. Kohhran leh mi pangngai chin hian Support deuh vekah an in ngai a, thawhrim aiin Confi lamah an chak hmasa zawk. MNF an hmusit a, Congress an ngainep bawk. A fel fak mai a, an tawh khirh hle a, pawh an harsa viau. Ngaihdan tê an nei a, an in pawt fàn ve hlei thei lo. Midang zawng chu chhe ber leh laktlak loh berah an ngai a, suangtuahna leh duhthusam rama cheng nasa ber an ni. BJP Modi hi awm lo se BJP fak leh chawikan ngaihna hre lo thiau an ni. BJP aiin Modi an ngaisang zawk a, a hming lam lovin thu an sawi thei lo. BJP an nih vang hian Central deuh ruihah an in ngai a, Mizo Tribal hmuh bakin kan hmu thei si lo. Party dang aiin Chakma ngaihsanna an nei lian hret a, Central lam Politics sawi nuam an ti hle a, an chim chinah erawh insawitheih viauna tur an nei lo thung. Centralah BJP an Sorkar avanga Party thila Delhi thlengthla chinte chu an in ti thei viau a, khulama an chak zia sawi nuam an tia, chu chuan helamah a ti chak chuang si lo. Central Sorkar inthlak ta se ti a ngaihtuahna seng ngai lo hruaitu hi a tam zawk an ni maithei.

Sawi zawm ve ru ....