PAWISA TIHTHIH CHUNGCHANG
PAWISA TIH THIH CHAMPHA VAWI - 3NA PUALIN LE
Aizawl, November 08, 2019
Zirtawpni :
India pawisa note lian Rs. 500 leh 1,000 Mahatma Gandhi series an tih mai tih thih (demonetised) champha vawi thumna a lo ni leh ta reng mai. Tlem in thlir kir leh lawk teh ang.
Demonetisation of Rs. 500 and 1,000 notes.
Date : November 8, 2016
Time : 8:15 PM IST
Pawisa tih thih anih kha pawisa vángin a zui a, India ram chhung hmun tam takah pawisa thi ta thleng tum leh pawisa lak chhuah tum Bank leh ATM booth ah mihring intlar thui tak takte kha kan la hre awm e.
Reserve Bank of India in Report 2018-a atih chhuah danin Banknote tih thih zat hlutna Rs 15.41 lakh crore zinga 15,.30 lakh crore chu Bank ah a kir leh a, Rs. 10,720 crore chu a țáwl hlen ta a ni.
Banknote tih thih chhan hi Black Money tihbo tumna leh terrorist kuta tam tham tak awm avang leh Note lem umbo tumna anih avangin ram chhung leh ram pawn ațang pawhin țha ti an tam hle a, țha lo leh hma lakna atthlak ti pawh mithiam zingah tam tak an awm bawk.
BACKGROUND :
Hemi hma hian India Sorkar hian vawi 2 Banknote hi kum 1946 leh 1978 ah te a lo ti thi tawh. A hnuhnung zawk 1978 ah hian Rs. 1,000, 2,000,10,000 note tih thih a ni a, pawisa hlutna a san avangin mipuiten a hnuhnung ber ami angin an tuar lutuk lo.
CABINET MEETING KOH THUT A NI.
Union cabinet meeting chu November 8, 2016 a țhu khawm turin chawpchilh takin koh thut a ni a, Prime Minister Narendra lo chuan a chhan an hre loa ngaih a ni. Hetah hian Prime Minister hian banknote tih thih chungchang chu puangin duan lawk sa pawh awm lovin National TV ah Prime Minister Narendra Modi chuan Rs. 500 leh 1,000 note Mahatma Gandhi series tih thih nghal anih thu a puang.
NOTE THI CHUNGCHANG :
Banknote tih thih takte thleng dan leh Bank-a dahluh dan ruahmanna RBI in a siam nghal a, ni 50 chhung December 30, 2016 thleng hun hawn niin Bank tinah counter hrante siamin note thi thleng leh sum la chhuak turte Bank-ah an awm luih luih bakah thui tak tak an intlar put a nih kha.
Bank ațanga pawisa lak theih zat pawh ni khatah Rs. 10,000 thleng, kar khat atan Rs. 20,000 thleng tih a ni phawt a, a bithliah zat ti danglam chho zelin May 13, 2017 khan sum lak chhuah theih zat bithliah chu tih tawp a ni.
ENG VANG NGE :
Sorkar thu chhuahin a sawi dan chuan black money tih tawp tumna a ni a, black money ațanga sum la lutho hian chhiah an pek loh avangin sum faiin an kawl tang nasa hle a ngaih a ni. Black money chu chhiah awl rukna ațanga sum lak luh, bungraw chi hrang hrang chhiah awl rukna ațanga hralhna sum leh corruption leh thamna hi a ni a, sum faia kawl anih avang hian hel pawl hrang hrangte nen inthlun zawmna tak nei a ngaih a ni a. Hel pawl leh terrorist group hrang hrangte sum hnar bera ngaih a ni bawk.
Sorkar chhut danin pawisa note tih thih hma khan black money hi Rs. 3 lakh crore awm anga chhut a ni.
Banknote tih thih hma khan ram chhung hmun tam takah hel pawlte pawi khawihna a nasa hle a, pawisa tih thih anih khan an sum hnar a chah tak avangin an che hlei thei ta lova, Maoist leh Naxalite te phei chu Sorkar kuta an inpek (surrendered) nasat ber hun a thleng chho hial reng a ni. Hun engemaw ti chen chu Jammu & Kashmir lama terrorist group ho pawh an che hlei thei lo.
Demonetisation avang hian sum leng vel avang thut a hei hian ram sum leh pai țhannaah nghawng a nei chawpchilh nghala ngaih a ni. Sum faia innghat nasa lo neitute leh agricultural sector chu a tir phat ațang a nghawng nat pawl a ni.
INHNIALNA TAWP THEI LO :
Banknote tih thih chungchang hi a tirte ațangin mithiam Economist, Financial expert, industrialist etc te zingah țha ti pawl leh ti lo pawl an awm nghal a, tun thleng hian he pawisa note tih thih chungchang hi a țhat leh țhat loh chungchanga inhnialna tling leh inhnialna tawp thei lo a la ni reng.
Politician leh political party tam berten țha tiin hmalakna chhinchhiah tlak tak tih te, hmalakna huaisen ti tein an sawi zui hlawm a, he atira an thu sawi hi an zinga mi engemaw zain tun dinhmunah chuan ko an thlak leh ta deuh chu a nih hi.
A hnu kum khat pawh a tlin hmain chhiah khawn dan thar GST chu July 2017 ah hnawhsarum deuh taka hman anih leh tak mai si avang hian chhiah khawn dan thar nena țang kawp hian ram chhung sum leh pai dinhmun țhanna chuan hma a sawn muang ta niin mithiam tam takin an ngai.
S
==08==11==19==
Huna Kawlvawm
Comments