Donald Trump hi Tunge?

Donald Trump : The Master of the Deal

~Ricky L. Colney

       Kum 2016 ah American Businessman Donald Trump a chu Khawvel ram ropui ber hruaitu tur ah thlantlin a ni nawlh mai a, Khawvel mak tih a ni. Tichuan USA President Obama chuan thuneihna Donald Trump a hnen a a hlan chhawn lai chuan a hrilh ru a, "USA tan a chona hmachhawp lian ber leh khawvel tan a hlauhawm ber i kut a tla pawimawh ber chu North Korea hi a ni" tiin North Korea hlauhawmzia leh Khawvel an tih ral tit zia chu Donald Trump a a hrilh a, President a nih na anga a tan chona lian ber tur chu North Korea anih thu a hrilh a ni.

      Hetih lai hian North Korea chuan Khawvel a rum thaih hum hum reng a, Missile a test reng bawk a..South Korea leh Japan chu thinthi in an mu ngai lo. Donald Trump a President a ni chiah a, Khawvel MEDIA leh Politician hlun ho bakah Hollywood celebrities zawng zawng deuh thaw in INDOPUI 3 na a chhuak dawn tiin mipui an tih thaih reng a, Donald Trump a chu "mi a let der a ni" tiin "Thil tih dan thiamlo mi buluk, thinchhe tak leh hlauhawm tak a ni" an ti a mahse an beisei ang chuan thil a kal lo tawp mai. President lo ni tawh te leh Diplomats te tih ngai loh dan ang berin Donald Trump a chu a han che tan ta ngei a, President thuchhuak techu MEDIA kaltlang lovin aman a Twitter hmangin a puang ta dum dum reng mai a, Ram khat hruaitu te pawh Inkawmna khunkhan tak neihpui lem lovin Twitter hmangin a zilh hrep a, a thu hrilh duh techu twitter hmangin a hrilh mai zel bawk a..a chetdan leh thil tih dan hrim hrim chu Khawvel mak tih a hlawh a, a "Presidential" lo an ti a ni. World War 3 tichhuak tur a an sawi North Korea lamah ngaihtuahna a seng hmasa phawt a, North Korea chu tlawn lungawi a tum hauh lo, Tun hma a President hmasa te angin North Korea te thiltih techu enliam mai mai a tum hek lo. North Korea lam hawi zawngin a Ralthuam tha ber ber a hung hnai a, a silai techuan North Korea a tin zawn vek tih ah, thu dengkhawng tak takin Kim Jong Un a chu a bei chho nghal a, Naupang chhia ang takin a en emawni tih turin hnehsawh taktak in a ko a, North Korea chu Khawvel ram atanga thai bo ah hial a vau a, Kim Jong Un a chu US sipai tha rual mi phil thiam bik hovin thah dan tur an rel nghal suau suau bawk a, Hillary Clinton leh Obama te, mithiam inti te leh Media techuan Donald Trump an North Korea a dawr dan chu Thil at thlak ber leh hlauhawm ber a ni an ti a, Donald Trump a chuan Policy mumawl nei lovin Twitter hmangin a pawng rak vak vak an ti bawk a, mahse mak tak maiin Trump a thil tih dan chuan rahtha a hringchhuak ta tlat mai..Kim Jong Un a chuan a mah leh a chhungkua chu an that mai dawn in a hreta a, a hlauthawng chuan US chu inbiakna neihpui ah a sawm ta mai..Khawvel a barakhaih chiang kher asin!!

       Kum tamtak chhung tuman an tuk zal theih loh, hlauh pawh neilo "at huai" an tih thin Kim Jong Un a chu Donald Trump a chuan a tu zal ta der mai!! Indopui 3 na chhuak mai tur anih laia Remna a siampui a, thian ah a chhuah zui ta mai chu tuman an awih thei lo,mahse a tak a ni miau si!! Democrats President emaw Midang hrim hrim chu nise Donald Trump a hian NOBLE PEACE PRIZE a dawng chiang hle ang, mahse Noble Peace Prize pe tu Committe te hi Liberal/Leftist mi leh sa vek anni a, chuvangin Donald Trump a chuan a dawng ta lo mai a ni.

      President a nih veleh US Economy siamthat nan Economic War a puang a, Mexico, Canada, European Union, China te nen an INDO ta a, "US Economy chuan a tuar anga an tlu chhe vek dawn a ni" tiin CNN leh MEDIA dang te leh khawvel economist lar techuan an lo puang lawk nasa mai bawk a, mahse hei pawh a Twitter leh a thluak hmang bawkin an ti leh nek nek a, nasa tak takin hetiang ram dang hruaitu techu a Vau dum dum reng bawk a..Tlawm a tum ngailo hrim hrim a, a tumpui ten vawi khat an ben chuan vawi 2 a beng let ve ngei ngei an tih ang khan a che chho a, hei pawh mak tak maiin a ma duhdan ang takin Inremna a siampui leh ta vek a..a awmzia takah chuan a chunga Indona puang tu a piang a tlawm zel tihna a ni..CHINA chu a tang rei ber ni mahse Tunah meuh chuan an zawr tawh hle mai, Inremna siampui ah Donald Trump a chu an sawm chung tawh mai a, Trump a chuan ama duhdan ang takin Inremna a siampui leh ta mek a ni. Khawvel a thil thleng ngai reng reng lo Buh chingchhuak tam ber tu CHINA chu Donald Trump an USA Buh a lei tir thei ta hial mai a nih chu!!..China in an mamawh miah loh thleng thlengin Donald Trump a tih lawm nan USA thil siam leh thlaithar chinchhuah an lei sak ta hum hum mai.

       Kum 1979 ah U.S. embassy ,Tehrān-a mi chu mi 3000 rual in an luh chilh a, USA in a sipai tha te hmangin chhanchhuak tu a tir a, heta tang hian US leh Iran inkar chu tun thlengin a chhe zawng hlir in a thang chho ta a, USA mit ti kham ber tu leh US mi leh sa thih na a inhnamhnawih nasa ber Iran General Qasem Soleimani a chu US president George Bush a khan thah theihna hun tha a nei chungin a that ngam lo a, IRAN in an bei let anga Indopui a chhuah a hlau a ni. Tichuan Obama khan thah theihna hun tha tak a nei ve leh a, mahse ani pawh chuan a that ngamlo leh a, a chhan chu Indo na rapthlak tak a chhuah a hlau a ni..IRAN chuan US chu a zuam tual tual a,  Obama khan Iran chu tharum hmang nilo, a tlawn a tlawn lungawi tum Policy in a dawr a, pawisa tamtak a pe tawk tawk a, Iran khan USA kha a kawmngaih phah eih lo a, US sipai te a man thul..a duh duh in a khawsa zui zel a ni. Tichuan "Mi a" an tih Donald Trump a hun a rawn thleng ve ta a, IRAN pawh chuan an ze ngai bawk chhuah in US chu a chhun(vit) hmasa zawk char char a, US military base Iraq ami a bei a, chutah UK lawnglian a man sak a, Saudi Arabia Oil khur a bomb puak dur dur bawk a, khawvel in an chhang let ngam chuanglo niin a in hria a, a duh ang thal in a che a ni ber..Mahse Iraq a US Embassy chu 2012 a Libya a US Embassy an lo hnehchhuh tawh anga hnehchhuh leh an tum ta a, an hual bet a, an bei ta a ni. heta meizang hlaptu ber chu General Qasem Soleiman a leh deputy chairman of Iraq's Popular Mobilization Forces (PMF) Abu Mahdi al-Muhandis a te anni a, Donald Trump a chuan a hma a President te tih ngam loh a ti ta!! Donald Trump a chuan vauna na tak Twitter hmangin IRAN chu a pechhuak a, mahse IRAN Supreme Leader Ali Khamenei a chuan engatanmah a ngailo tih hriat takin "Engmah tih theih i nei lo e" tiin Trump a chu a chhang let a..chumi tuk ah chuan IRAN ram a thil tithei ber pahnihna General Soleimani leh Muhandis a chu a phin darh ta vek mai a ni.

      PRESIDENT hmasa ten thah theihna chance an neih lai pawha an thah ngam loh chu Trump a chuan a kap darh vek mai a, chumi chu duhtawk mai lovin IRAN chu na em em in an vau zui bawk a..Khawvel chuan thin phu dep dep  chungin kanlo thlir a, "Indopui a chhuak dawn taktak ta e" kan ti deuh fur a nih kha..Iran pawh a in hampuar nasa mai a, US hmun pawimawh te beih a tum thu a sawi a, Trump a lah chuan IRAN hmun pawimawh zawng zawng reilo te chhung lekin a phin darh vek thei tih sawiin a thusawi ang ngei in a chet tur thu a sawi siah siah mai bawk a..Kim Jong Un a ai mah khan a vau na zawk emaw tih mai tur a ni. Donald Trump a thil tih dan chu thluak thlawl thil tih a ni an ti leh ta a, INDOPUI chawchhuak tur thil tih a ni tiin US Democrats leh Hollywood ho chuan chawl lovin Trump a chu an bei a, mahse mak tak maiin IRAN chu a zawr hmasa ah an tang leh ta tlat mai!! A mualpho lutuk loh nan tiin USA chu kah ve ngei a duh si, mahse US chu a ti thinrim anga an kap let ang tih hlau siin inthlahrung em em in IRAN chuan USA chu a kap ve ta a, US Military base MISSILE hmangin a bei ta a ni. An missile techuan US pawi a khawih an hlau lutuk chuan US thiantha te hnen ah Missile a US an beih tur chu Iran chuan an hrilh lawk vek a, chung ho chuan US chu an hrilh ve leh ta thuai a, US sipai te lo in ral ring vek hmanin hmanhmawhlo takin Iran chuan a missile chuan US base chu a kap ta a ni..Hetia a kah veleh hian Iran Foreign Minister chuan Inremna an duh thu leh Indo chhuak lo se an duh takzet thu Thuchhuah a siam nghal a..a awmzia chu a hmingin an mipui te lak ata thiamchan nan US chu an kap ve chauh e tihna a ni.TRUMP a pawh chuan IRAN ho thiltih chu a lo hriatthiam sak ve a, an inthlahrunzia leh kimkit zia chu hria in a in phah hniam ta a, US pawi an khawih tam loh avang chuan Iremna siam chu a duh thu a sawi ve ta a, Khawvel mipui in INDOPUI a chhuak dawn kan tih chu kan hresual leh dawn a ang khawp mai. US President lo awm tawh zawng zawngin an tih theih loh IRAN tuk zal chu Donald Trump a chuan a thei dawn ta niin a lang leh ta!! IRAN chu remna duh a au chhuak hmasa an ni a, Remna leh muanna a awm dawn niin a lang ?!

      Donald Trump a hian a tawngkam ah Chithlum a telh ngai lo a, hmelma te a dim ngai hek lo. A bei tute hma ah a zam ngailo a, peh hel dim dem lovin na takin a tawng tlang hmiah mai zel a, mahse a hmelma ten remna an duh erawhchuan lawm takin remna a siampui mai thin. Khawvel mithiam ten a thil tih dan chu "MAWL THLAK" ti thin viau mahse rahtha a la chhuah zel chu a nia..Tuma tukzal theih loh ISIS kum 3 chhungin a tuk zal vek bawk a..sawi tur tamtak a la awm, US economy chu khawvel ram dang te umphak rual lova chak leh tha in a siam chho bawk a, hetiang zawng zawng a tih theih chhan hi thil dang a nilo, TAWNGTAI SAK TU Ringtu tha a ngah em avang hian a ni a tih loh theih loh a,HMELMA hlir in an hual chung hian tuman an ti na theilo ringawt mai pawh hi PATHIAN a in rawlh tih hai rual a nilo. 'The Art of the Deal" ziak tu hi tun thleng chuan a ke ala pen sual lo ti ila kan sawi sual lovang!

Ps- Kan sawi hmaih lian tak pakhat chu US President zawng zawngin ti turin an in sawi thin a, mahse an tih ngam si loh,tin Khawvel ram zawng zawng in an tih duh loh ni bawk Jerusalem chu Israel khawpui ah a rawn pawm hmiah mai bawk a..Tel Aviv a US Embassy chu Jerusalem ah a sawn nghal bawk a ni. Donald Trump a thil tih hian khawvel a barakhaih a, a sawi nghing lawih a ni ber. Mi tam ber sawisel a hlawh rualin ringtute chuan an fak hle a ni.