Abraham Lincoln-a Thlalak

ABRAHAM LINCOLN THLALAK HI!

~Familia Fanai Lalṭansanga

1860 kum April thla ni 27 khan Abraham Lincoln chuan New York khawpui vantlang inkhawm-ah thu a sawi a, pioneer American photographer Mathew Brady chuan a thla a lo la fuh a, a ring rek thup nan a kawr nghawng chu a pawt chho deuh va, chu thlalak a rawn chhuak chu chanchinbu leh magazine-ah an chhuah ta chuai chuai mai a, a thlalak a fuh bawk a, a thlalak atang chuan Lincoln mizia tur a lang chiang hle a, mi tak tak,mi zahawm, mi tumruh,mi zaidam leh mi fing a nihna a pholang chiang hle a  ni. 

Lincoln meuh pawhin he thlalak hi US President ka tlin phahna thlalak  a ni a ti hial a ni. 

Keini ram ang democracy suak, mi pui rawngbawl tur leh kan aiawha kan thlan lalte chu an thau mam kawng kawng tak a, sekibuhchhuak nei leh pheichham man an sawite aiin an hausa thur thur mai thin a, an lawmpui-awm tak zet zet a ni! 

US president 16-na Abraham Lincoln erawh civil war avangin a  rilru a hah hle a,  a taksa-in a tuar hle tih thlalaka a hmel lan dan atangin a chiang hle thung a! 1865 kuma a thlalak hian  a rilru a taksa leh a thlarau nun a chauhzia a pholang chiang a ni.

1865 kum April thla ni 14 khan Ford's Theater presidential box-a US President Abe Lincoln chu amah thah tumtu John Wilkes Booth chuan a hai lo chiang khawp mai, a kaphlum ta nge nge a ni!

Keini ram kilkhawr bera chengte pawh hian Abraham Lincoln hi chu a hmelin puak ti lo mahse kan hai lo,a thlalak atangin tunge a nih kan  hre chiang em em thei a, a thlalak phena a mihring mihrinna,zahawmna leh thu dik tan ngam, mi dik mi nun tluang a nihna pawh kan hmuh hmaih hauh lo a nih hi! Mi tha hi an lo va zahawm tak em!

He thlalak 2 zet hi chu ţhian pa,Pawihte bawk  Lalthansanga Chinzah tawngkam takin, “ Chatuan hawlhtlang’ thlalak an ni hrim e!

American poet Walt Whitman-a’n Abraham Lincoln fam chan thu hrilhai tak leh lunghnur taka a phuah elegy, “O Captian! My Captain” ka chhiar a piang hian ka hnuk hi a la ulh thei a, “Where on the deck my Captain lies,fallen cold and dead” tih lai tak ka chhiar apiang hian ka tim ur ur thei a, ka hmul thi a ding sung sung thei zel zuk nia!

O Captain! my Captain! our fearful trip is done,
The ship has weather’d every rack, the prize we sought is won,
The port is near, the bells I hear, the people all exulting,
While follow eyes the steady keel, the vessel grim and daring; 

                         But O heart! heart! heart! 

                            O the bleeding drops of red, 

                               Where on the deck my Captain lies, 

                                  Fallen cold and dead. 

Abe Lincoln thufing thenkhat te;

• “When I do good, I feel good. When I do bad, I feel bad. That's my religion.”
• “I can see how it might be possible for a man to look down upon the earth and be an atheist, but I cannot conceive how a man could look up into the heavens and say there is no God.”
• “That some achieve great success, is proof to all that others can achieve it as well.”
•  “It often requires more courage to dare to do right than to fear to do wrong.”