Zikhlum Chungchang Thu hla

KUTHNATHAWKTU THINGTLANG LAM HMUSIT TAKA HETIANGA VIDEO THLA LA A THEHDARHTU HI TUNGE A NIH HRIAT A NI TAWH

Eng tiangin nge Serchhip lam hian an chhan let dawn hriat a nilo a. Serchhip mipui te sawi danin tunlai khawlum lai a ni a, tin, sem chhuah a nih hmain engchen nge a awm a tih pawh hrelo a hetia video thehdarh a ni hi an lawmlo hle.

Dahthatna storage awm silo karah hetia thingtlang kut hnathawkte mualpho taka chhuah hi thil hrechiang a nih siloh chuan sim hmak se a tha hle mai.

____________________________________________

ZIKHLUM CHHIA CHUNGCHANGA 

BIALTU MLA PU LALDUHAWMA NGENNA

Serchhip Zikhlum chhe supply anga video viral mek chungchangah zanin dar 7 khan Serchhip Bialtu MLA Pu Lalduhoma chuan Serchhip Times palai rawn bia in Zikhlum ching Assn(FMC ?) ten NGAWI RENG LOVIN thudik a nih leh nih loh rawn sawi ve se HMALAK KA INHUAM RENG, an ni ber an ngawih tlat chuan CONFI A HAR! a rawn ti e.

He thil hi a bialtu ka nihna  leh Vegetable Supply Chain a awm ka nih angin sawifiah a ngaiin ka hria.

Tun COVID 19 avanga Lock down a lo awm khan kan kuthnathawktuten an thlai tharte nidang angin an hralh mai thei ta lova, chuvangin Sorkarin Vegetable Supply Chain a din a, hei hian kuthnathawktute thlai thar chu mipui a mamawhtute hnen a awlsam zawkin a thlen thei ta a. Kan District Serchhip chu zikhlum leh Bawkbawn thar nasa ber a nihna angin Vegetable Supply Chain pawhin Dt 30.3.2020 khan Zikhlum 226.56 Qtls leh Bawkbawn 259.63 Qtls Serchhip zawlpui thar a leisak a, a vawihnihna atan Dt 4.4.2020 khan Zikhlum 346.95 Qtls leh Bawkbawn 185.79 Qtls a leisak leh a ni. A vawihnihna a zikhlum leh bawkbawn te hi engemaw thu leh hla belhchian dawl lo thehdarh avangin rin angin a kal zung zung ta lova, ni hnih dah anih hnuin Cold storage ah dah luh a ni ta a. Kar hnih vel cold room a dah anih hnu-ah chuan a pawn lam te a lo eng a, chung chu kheh no niin hralh chhuah a ni, cold room a dah anih avangin a chhe lova, a kawr mawi lo lai te paih a ni mai a, hei hi chu thil pangngai a ni. Bazarah pawh zikhlum hi dah rei poh leh kheh no zel a ngai thin. 

Hetiang khawp a tam Serchhip atanga kan thar hi entawn tlak, ram intodelhna pakhat a nih tehlul nen, hrechiang lova lo sawisel an awm hi a pawi takzet a ni. 

Kan kuthnathawktute hi i chawimawi zawk ang u.

Tun ang dinhmunah phei chuan thil dang zawng aiin ei tur a pawimawh zawk si a.

ZIKHLUM CHHIA VIDEO CHUNGCHANG KHA

Serchhip Zikhlum 4th April a Horti Deptt in an lei, 5th April a Aizawl a phurhthlak a ni a, ni 14 hnu, vawiin ah an lachhuak a, tikhan a chhia a lo awm teuh ta a ni.

Ngaihtuah ngai awm ta chu...

1. Cold storage, chawlhkar hnih chhung Zikhlum vawng tha thei lo Sairang ah Serchhip zikhlum dah a ni.

2. Video a uluk taka lak a, thehdarh a ni.

3. Serchhip zikhlum hi Horti Deptt. in an leina rate aia tovin 15% a sangin an hralh leh.

4. Chuti chung chuan Rs. nuai 5 chuang chawibelhin an inchhal mek.

5. Chumi thup tumna Drama chu a ni em? tih Serchhip mipuiin kan in zawt mek a ni!

6. Video a latu hi chhui zui mek a ni.

oxoxoxoxoxoxoxoxoxoxo

NGAIHDAM DIL LEH TA

ZIKHLUM CHUNGCHANG VIDEO SAWIFIAHNA

Vawiin zing dar 9:32 a Zikhlum leh thlai dang chhe nasa tak mai ka hmuhna, Aijal Club a mi chungchangah, Ka Video ah khan Serchhip lam Zikhlum tawih chhe nasa tak mai chungchangah, Serchhip Zikhlum chingtute ngawr ngawr demna ang a ngaih theih tura ka tarlang kha a zia lo in a pawi ka ti hle mai a. In hriatthiamna leh ngaihdamna ka dil e.

Coronavirus Thihna Hripui leng vangin mitin leh chhungtin kan talbuaiin kan mangang a. Lockdown avangin chhungtin in Thlai duh ang lei tur hmu lovin lei dan tur kan dap ruai a. Mipui hasatna chu hria in Mizoram Sawrkar in hmanhmawh takin hma a la a. Vegetable Supply Chain buatsaih in, a buapui tur Nodal Dept atan Horticulture, MAMCO leh Mizofed te a ruat a. Mizoram hmun hrang hrang a Thlaichingtute thlai thar lakhawmin, a lei khawm ta hmiah hmiah a. Heng karah hian mifel leh rinawm tak tak karah, dik lo leh fel lo taka  Bag a lo thun duh tawk an awm thu sawi te ka hre ve zeuh zeuh bawk. 

April ni 18, 2020 Inrinni tuk hian Nodal Department ten  an thlai lakkhawm an discount dawn tih hre sa in, kan chhungkaw mamawh lei ve ngei tumin ka kal ve ta a. Aijal Club lamah ka kal chuan, Zikhlum tawih nasa  tak mai Serchhip lam atanga an lei khawm an lo thian mawlh mawlh mai ka hmuh chuan, a hma lawk a thil lo kal tawh te avangin mak ka tiin fel lo ka tih thute ka Video ah khan ka tarlang tel nghe nghe a. 

Mahse, mi rinawm tak hnen atanga thil awmzia ka hriatchian hnu in. Khang Zikhlum te kha April ni 5, 2020 ah daih tawh Nodal Dept ten, an tum aia tam an lei khawm vang a Sairang Cold Storage ah an dah leh an lakchhuah tih ka hre hnuhnawh a.

A biktakin Serchhip lam Zikhlum chingtute lakah ka inthiam lo hle mai a. Inhriatthiamna ka dil e.  

Mipui tam takin kan duh leh kan mamawh ang zat pawh Zikhlum leh thlai dang dang lei tur kan hmuh zawh loh lai a hetiang ang tak a nasa a dah tawih a  nisi hi chu a fel lo tak zet a. Mipuite mamawhna vanga hman-hmawh tak leh a hun hma a Cold Storage hman a ngaih rualin, reilote chhung a hetiang tak a a tawih leh thei si han hmuh hian, thil fel lo leh dik lo hi chu zep rual lohin a awm ngei tih a chiang a. 

Kan Chief Minister zahawm takin mipuite thlamuanna tur a sum tam tak chân huam a hma alak laiin Nodal Department Staff te inthlahdah vang nge chhan dang vang zawk tih hriat theih mai si loh awm hi, a pawi tak zet a. Tun hnu ah hetiang hi a thlen tawh loh nan, Thlai chingtute hnen atanga thlai an lak te an sem chhuah zung zung theih nan Sawrkar hnathawk zahawm tak tak te pawh in ruahmanna siam zung zung tawh se a lawmawm ngawt ang.   Hemi rual a sumdawng leh thlai zuarte pawh ka ngen tel duh chu. Thihna Hripui rapthlak tak leng mek vangin Khawvel a buai tak zet a, Mizoram pawh kan bang bik lo. 

Mahse, keimahni thar ngei a ni emaw, kan kharchhawn a ni emaw, Uchuak lutuk a thil man sang chiam mai hi chu, Kan Kristianna vang pawh hian kan inenfiah a tul tak zet a. Engemaw harsatna a awm hlek apiang a kan stock sa nen lam a uchuak lutuk tak mai a a man tihsan kan ching fo mai hi chu a Mizo Kristian zia lo tak zet a ni. Sem sem dam dam ei bil thi thi ti ṭhin hnam kan nih kha maw le.

Mirethei tam tak te kan mangang a kan rum kawk kawk lai hian, kan tan heng thil man to leh harsa em em hian nasa takin ṭahna leh beidawnna ruam ah min hnuk lut  a ni tih hi i hre theuh ang u khai. 

Isua Krista  ringtute tih tur ang tak in kan rilru leh ngaihtuahna i seng thar i la.  Isua nise engtinnge a tih ang le?

~James L Chhakchhuak