INDIA RAM VVIP LEH VIP SECURITY CATEGORY KALPHUNG

Muanpuia Vaiphei Dt 30.5.20

___________

Kan Ram India ang ah hi chuan Venhimna khauh bik (Security Details) hi VVIP leh VIP emaw mimal mi pawimawh bik / Dinhmun derthawng a awm (High Risk individual) te hnen ah Police emaw an awmna sawrkar remruatna in pek thin a ni a.

VVIPs leh VIP te hi eng ang din hmun hlauhthawn awm ah nge an awm tih Intelligence Bureau (IB) report azirin Venhimna pawh kal pui thin ani. 

He Security Category hrang hrang hian, Prime Minister, President, Vice president, Supreme Court & High Court Judge, India Sawrkar mi pawimawh, Service Chief of Indian Armed Forces, Governor of State, Chief minister & Cabinet ministers te a huam a, tin, Ministry of Home affairs rem tih na in Ram chhung a mi hming thang heng,  Sumdawng, Film star, sport etc te thleng in a huam thei ani,  

An State theuh in Security an lo pek thin chu thuhran nise  , MHA venhimna/Security hnuai ah chuan CM a nih avang ringawt a duh duh category  lo pek ve ringawt lam ni lovin, an dinhmun (threat) hlauhthawn awm a a awm dan azir zawk in Union Home Ministry lam remtihna  in Security Category hi an pe thin zawk ani. 

India Ram hruaitu lian (hna chelh mek)  khel lova venghim na pek ngai tih loh, VIPs leh Mi pawimawh thenkhat te hi An awmna atanga Police Station hnai ber ten eng vanga ven him ngai nge tih leh,  a dinhmun a him lo reng em tih finfiah a nih hnu ah,  eng security category ber nge pek tur tih kha Home Secretary leh Director General leh State Chief Secretary ten an ngaihtuah tlang leh a,  tichuan A report/details Union Home Ministry ah an lo pawm pui atan an thawn ta thin ani. 

Venhimna hi hetiang in then hran a ni a,

SPG Category

Z+ Category 

Z Category 

Y Category 

X Category 

SPG CATEGORY :

SPG Category awmzia chu, venhim hna Special Protection Group (equivalent to US Secret Service)  te chauh in an thawh na sawina ani a, SPG te hi Agent 3000 vel awm in,  India ram mai ni lo, khawvel pum huap pawh a Security khauh leh changtlung ber pawl an ni a,  India ram a mi Pawimawh ber Prime Minister (hna chelh lai tu pawh) leh a hnen a cheng a thisen zawm (family) te chauh an veng thin ani. 

A hma chuan PM kal chhuak/tla chiah (former PM) leh a chhungte pawh an veng thin a, mahse tun ah chuan Z+ Category ah an dah tawh thung ani. 

SPG category leh Z+ category hi khawi zawk nge sang zawk tih ah inhnialna a awm ve fo thin a,  mahse Z+ VVIPs ten SPG te ven himna an dawn phak miau si loh chuan A sang zawk chu a hriat theih mai awm e. 

Z+ CATEGORY :

Z+ Security hi India in venhimna a pek thei sang ber dawt tu ani a, VVIP  hian venghim tu sipai 55 a nei thei a, chung zing ah chuan sipai 10 te hi NSG commando an ni thin a, Amaherawh chu eng security category pawh hi an dinhmun(threat) azirin NSG te hi an tel kher lo ve thin bawk ani ,  a dang 45 te hi CRPF/ITBP/CISF/State Armed Police, eng emaw ber atang hian an ni thin ani. 

He category ah hian

PM Modi (a ni hi PM nilai a nih avangin SPG in an veng thung) 

BJP President Amith Shah,

 UP Chief Minister Yogi Adityanath, 

 Union Fin Minister Arun Jaitley, 

 Ex PM Manmohan singh,

  Sonia Gandhi, 

Rahul Gandhi, 

Priyanka Gandhi,

 Rajnath singh (Defense minister) , 

Jitan ram manjhi,  

Mohan bhagwa, 

Mos Kiren Rijuju

leh midang tlem chauh (an vaiin 17) an awm ani. 

Z CATEGORY :

Z Security ah chuan Venghim tu sipai 22 leh Escort Car 1 an awm a,  an zinga 5 hi NSG commando an ni a, a dang zawng chu State Police emaw CRPF/ITBP an ni thin. Tun ah hian India ram hmun hrang hrang ah Z category VIPs hi Mukesh Ambani leh Nina Ambani te tiam in mi 60 vel an awm mek ani. 

Y CATEGORY :

Y Security ah chuan VIPs hian vengtu state armed police 11 a nei thei, an zinga 2 hi PSO (Personal Security Officer)  an ni thin. Y Category VIPs hi engzat chiah nge awm ka hre thei mai lo. 

X CATEGORY :

X Security ah chuan VIPs hian vengtu sipai emaw Presonal Security Officer (PSO) 2 a nei thei a,  India ram pum ah mi 70 vel X Category VIPs an awm mek ani.

______

Heng kan sawi tak category hrang hrang a Security pek mek VIPs zat kan sawi hi kum tin a danglam ve avang leh an dinhmun azira tih tawp te, tih hniam/san te an awm thin avangin a dik tak sawi fuh erawh a har deuh ani.

Tin NSG commando te hi heng hna thawk tur hian mi 500 vel zet pawh pen an ni a,  mahse January 2020 atang khan Govt of India chuan NSG te hi Security atan pawt peng tawh lovin an role dik tak ah kir tir vek turin a rel a,  Security hna an kalsan tak te chu heng Paramilitary force, CRPF / CISF / ITBP ten an thawk tawh dawn ani. 

Security category hrang hrang zinga NSG ven himna dawng VIPs te heng 

Assam Chief Minister Sarbananda Sonowal,

 ex-CMs Mayawati, 

Mulayam Singh, 

Chandrababu Naidu, 

Parkash Singh Badal 

Farooq Abdullah,  

BJP leader and former Deputy Prime Minister L K Advani 

te pawh hi Paramilitary force lam in ven himna an keng kawh tawh dawn ani.

#Pic

1.  SPG Security 

2.  Z+ Security 

3.  Z  Security