KUM 12 MIIN MATRIC EXAM DAWN

 KUM 12 MIIN MATRIC EXAM DAWN

~Saihmingliana Sailo

4th Nov. : Issac Paulallungmuan Vaiphei (12), Kangvai khua, Churachandpur district, Manipur-a mi chuan Class 10 (matric) a exam dawn. 

Issac Paulallungmuan Vaiphei hian  Mount Olive School ah Class 8 thleng a zir a, a pa, Genkholien Vaiphei-an education dept.a a dilna chu phalsak niin  Board of Secondary Education (BOSEM) chuan Assam High School Leaving Certificate-ah Class 10 board exam turin a remti a, Manipur-ah chuan Class 10 exam zinga la naupang ber a ni dawn a ni.

A pa dilna bawhzuiin Commissioner of education department chuan  'psychology test' nei tura a tih angin Department of Clinical Psychology RIMS Imphal-in Isaac-a an 'test' naa a lan danin a 'mental age' chu kum 17 leh thla 5 a ni a, a 'intelligence quotient (IQ)' chu 141 a ni a, 'very superior intellectual and development functioning' tia chhinchhiah a ni.

Dan ang chuan April 1-a kum 15 tling te chu class 10 board exam-a candidate tura pawm chin an ni a, ani hi chu 'special case' -a exam tir a ni dawn tih BOSEM administrative board chuan an puang a ni.

Isaac chuan hetia Class 10 a exam thei tur hi a lawmzia sawiin  Sir Isaac Newton hi ka ngaisang a, a chhan chu amah ang niah ka inngai, kan hming a lo inang lehzel bawk nen a ti a ni. 

A pa, Genkholien pawhin lawmthu sawi pahin hun lo kal zel turah education dept.in naupang te thiamna leh finna enchhin zel se tha a tih thu a sawi bawk.