MIZO NULA LAR IN POLITICS A LUH CHILH DAWN EM NI?

MIZO NULA LAR IN POLITICS A LUH CHILH DAWN EM NI?

~Eddie Lalhmangaihzuala Huha

Vawiin 9th. Sept. 2020 hian Zoram Peoples' Movement ten mi thar an lawmluh hming an rawn ziahah pakhatna ah Baryl Vanneihsangi Tlau  tih a rawn lang a, mi tamtak ngaihven a hlawh hle.

Baryl Vanneihsangi

Baryl-i hi zaithiam hrang hlui Pi Lalhriatchhungi leh Pu Marova te fanu a ni a, Model vengah an cheng mek a ni.

Zirna lamah Union Christian College, Borapani aṭangin B.A a zova,  M.A (Hist) zo leh in Varsity Miss ah pawh thlan a lo ni tawh nghe nghe. Tin, 2016 khan Miss Chapchar Kut top 10 ah a lang bawk. Function lian thamah reng reng a tel lovin an ti thei ta lo emawni tih tur khawpin sawm a hlawh a, chutihlaiin a inngaitlawm hle thung si.

Zoram mipuiten kan hriatna ber chu TV presenter/host a nih aṭangin a niawm e, LPS leh TV programe hrang hrangah a host a, hetihlai hian FM Zoawi leh Red FM ah Radio Jockey (RJ) hna te a lo thawk tawh bawk. 2018 KṬP Gen.Conference ah pawh khan Fellowship programe pawimawh tak pakhat chu Baryl-i hian a host tawh nghe nghe. He mi ṭum KṬP Gen. Conf a kal haw hi anmahni chenna Inah pawh lut lovin a hnathawhna hmun AIR lam pan nghalin a hun takah ama chanpual hna a thawkzui nghal rap mai nia....

Hindi leh English thiam hnehsawh tak, Mizo ṭawng phei chu a kum phu lova thiam nal tak a ni a, a thluak ṭhat zia chu commedian search a host aṭang te pawhin kan hre thei awm e.

 

Hetia Party a luh chilh ta rup mai hi a theihna leh rilru en chuan MLA thleng pawha Mizo hmeichhiate hmatheh tur niin a lang a, hmeichhia te chauh ni lo mipa hlei hlei hi an phur zawk maithei e.

Eddie Lalhmangaihzuala Huha