Luangliam

 MS-i luanliamna thu te hi ilo thlir ho ang u hmiang.

Heng thuchangte hi amah MS-i Zadeng phalna thlapin kan rawn chhawpchhuak a, kan lawm hle mai

One

Taksa dam siin, Na tuarin an rûm a,

An hrelo, an rûm thawm chu..

Ngawlvei tiin an nuihsan a, an thinlung ruak hnawh khah tumin asin ngawlvei nih duh lo khan ngawlvei chan a chan leh ṭhin..

Hlimna emaw tiin an pal a,an palhnawk erawh thianfai turin ṭanpuitu an mamawh si..

Nang Mizo hmeichhia, tinge lainatnaa khat ṭhin khan anni chu mi tenawm thlira ithlir tak mai!!??

Nang Mizo mipa,tinge tlawmngaihna nun neitu inti si khan anni ṭanpui chu tlawmah ilak leh si!!??

Hmangaih a hrethiama dawm kangtu an mamawh laiin Nang chuan a thiltih sual ihmu lian a, a tih chhan kha atan chuan case lian tak a ni a, nang mi chak tan erawh engmah lo mai a nih vang em ni!!??

An rûm asin Taksa dam siin an chhungril adam mawlh lo, 

An ngai e hmangaihtu..

An kiltawih e rualpawl ve turin,

Theih nise an chák asin an hringnun hman ṭhat chu..

  Aaa.. ka ziah zawm tawh lo mai ang.. Ka nihna emaw in lo ti leh palh ang..😅😅

Two

Zinga ka thawh veleh a ka phone ka en hian msg hnutchhiah loh che hi har ka ti a. 

Ka msg chu seen a ni tawh em tih hi vawi engzata tam nge ka en ṭhin ka hre seng lo. 

I online a ka msg seen a nih vat loh hian ka huat vang che ni miah lovin ka lo titau rilru leh hmanhmawh ṭhin a,

 Nang hian keimaha mihring danglam tak kha ikaitho a, midang laka ka rilru put ngai miah loh kha min neih tir a, hlim luat vanga ṭahna awm kha a takin min tem tir a.

Ka hlimna siam nan hian ka kianga iawm kher hi ava ngai lo tehlul em!! 

Suih loh khuanu ruat min nih tir lo hram rawh aw Khuanu..

Hlimna tam tak min pek hi a rèpa dah ṭhat theih ni se ka ti ṭhin.🤭

Three

Tuemaw lakah i chapona te, ilo induhtawk ve ṭhin na te khan awmzia a nei lo ve tawh em??

Ngaihdam loh i duh a, mahse lungawi lo tak chung pawhin i ngaidam zel ve tho tawh em!!??

Biak miah loh iduh a, mahse a msg 1 tawite pawh kha chhan loh har iti ve tawh em??

A chanchin hriat i duh miah lo chung si khan social media ah izawng ru ve tawh em??

Hmangaihna vang a nih kha.

Four

Nimin chu hunin aliampui tawh a, I hun kal tawh avangin in tina lo la.

Nunhlui hian min la tina thei anih chuan, Kan hmalam hunah hian kan hlim lovang tih tunge sawi thei??

Ṭap la, beidawng la, mahse i harsatna leh natna kha indelh beh hlentir ngai suh..

Ni tla a pil hlen ngai loh kha..😊😊

Five

Ih e Bawihte,

  Ka tel lovin i hlim tih ka hriatin ka lawmpui che a, mahse tinge ka thinlung erawh hian a thik tlat thung che le!!??

  Ka tel lovin hlim la tia thlahtu ngei che hian maw, i tel ve tawh lohna hringnun khawharthlak zia ka hrechiang em em thung si. 

Hmangaih ti-a ka vuah lai che khan ka hmangaih nih kha ilo duh reng reng angem le!!??

Tunah erawh i tan mi hrang ka ni tawh a, ka tan erawh mi danglam ila ni reng si.

Ih maw! Ka ngaihtuahna ila luah tam zia te, ka nuna i hming ringawt pawhin awmzia ala neih zia te hi i hriat loh nan ka inthup a, mahse maw i msg tawite chauh pawh hi chhan loha en liam mai chu harsa ka tih ber a ni ngei ang.

Ka tel ve tawh lohna hmunah chuan hlim la, nui la, ṭap lo la, a ṭha ber hmangaihna leh duhsakna chu itan ka la hauh fan ange aw..

Six

Ka lungawi lohna leh ka thinrimna hmu thiam lotu chuan min hmangaih a ni tiin ka sawi thei dawn em ni!!??

Ka nui hmel phena khawharna leh lungngaihna inphum ru hmuthiam a,

Ka khawhar hlauva ka tana awm a,

Keimah avanga a nuam tih zawng thlah a,

Ka tana hun insiam ṭhin mihring ngei chu a ni dawn lawm ni ka thlan tur chu !!??

Hmangaihna hming chawi tir a, ngaihsakna keng tello inlaichinna ai chuan,

Hmangaihna tia vuah si loh inngaihsak tawnna chu ka thlang zawk e..

Seven

Ka ngai che tia ta ila,

Min awih sak duh angem??

Ka hmangaih che ti ta ila,

Min la hmangaih ve reng angem!!??

Ka  ngaih ṭhin zia che sawi ta ila,

Min ngaih thu i sawi ve angem!!??

Ih maw, D!! ka ngai che a, ka ngai reng fo ṭhin dawn che nih hi..

Itan khan maw, ka hmangaihna leh ngaihsakna kha a bei tham lutuk nge beiseina ka lo nei sang lutuk zawk che nge pawh ka hrethiam ta lo. 

Diktak chuan maw chhan awm lova call pick lohte, msg reply loh te kha ka hrethiam pha ve ngang lova, kan kar thu kha ka titawp ta mai nih kha. 

Min dem lo turin ka ti lo che a, i cho chhuah a ni pawh ka ti hek lo. 

Khatiang inlaichinna pakhat zawkin a chhawm nun reng ngai kha chu a hahthlak ve deuh ve ka ti mai a ni.

I buaizia ka hria, mahse tinge ka msg tur hi thumal pahnih khat lek type hmanlo khawpa buai inih erawh ka hrethiam pha ngang lo.

Kha inlaichinna kan duhthu ngeia kan siam kha ui tak chunga tihtawp ngai a ni erawh pawi ka ti. Min hmangaih tak tak ni la chuan ka tan hun i insiam turah ka lo beisei ve ngawt kha ka lo tidik lo te pawh a nia nge tiraw!!??

Eight

Mittui meuh pawh alakah awmzia a neih tawh si loh chuan hlimtaka nui rite chu atan ninawm ah a chang zo tawh tihna a lo ni a.

Hmangaihtu duhawm tia a sawi kha ṭahna leh natna thlentu mai a ni ta si.

Lainatna tellova a hlimna chu chhuh luih sak a ni a, hmalam hun hlim taka a suangtuahna pawh chu phalsak a ni ta lo.

Chung chuan natna leh hrehawmna chu an pe teh meuh mai.

Mahse maw hliam thlensaktu duhthusam erawh thlentir a tum bau lo.

Hliamtu hliamna chu chauhpui mai lovin hmalam pan tura chakna petu zawk mai a ni..

Nine

Ka hmangaihna che i hriatthiam hunah meuh chuan..

I tana ka lo rinawm zia te i hriatchhuah hunah chuan..

Zan rei tak thlengin i msg emaw phone call nghakin ka lo awm ṭhin a ni tih i hriat hnu ah chuan..

Ka duhna che nasat zia i hriatthiam hunah meuh chuan...

Ka tana mi bik leh hlu tak ilo ni tih i inhriat ve hunah chuan..

I hlimna tur leh i ṭhatna tur ka duh luat vanga ka tawrh fona hi i hriat hunah chuan..

Nangmah ngaia mittui far chunga ka ṭha e ka ngaihtuah awm loh ti a dawtsawi ṭhin ka ni tih i hriat hunah meuh chuan maw Duatte..

Kei chu hla takah midang tan par ka lo chhuah ve tawhin, rinawmna leh ngaihsaknate leh ka hun te chu ka lo pe ve emaw te alo ni tawh ang ..

Chumi hunah chuan maw Duatte inchhir lo la, ka lam hawiin hmangaih biahthu min hlan tum tawh lul suh aw..

Kei chu Thinlung pakhat nei, pakhat tan chauhva rinawm ṭhin hmeichhe Thinlung nei kha ka ni tih i hriat kha aw..

Ten

Zanin chu i call leh msg te ka lo chang veleh ringawt a. 

Ahma kha chuan keilo biak dang inei ngai lo a, ihman veleh min lo call nghal vat ṭhin kha ania sin le !!?? 

Tihtur pawimawh ineih pawhin nangmah tih loh ah chuan a hre hmasa ber ka ni ṭhin a, mahse tunah erawh hriat chu sawi loh enge itih a engtin nge hun ihman pawh ka hre ngai ta lo..

I buai anih pawhin ka hrethiam che a, ichau a ihah anih pawhin ka hrethiam che.. 

Ih maw, ka thil hlauh leh duh loh ber erawh ka tana hun ineih loh chhan hi a ni palh ang tih ka hlau a ni !! 

Ih maw!! Dik tak chuan ka ngai em em che a, ka tan hian msg pakhat tal hnutchhiah hi itan alo harsa viau tawh anih palh pawhin khawngaihin min hrilh hreh lul suh aw !!?? 

Hmangaihna kan inhlan a mahse chu i hmangaihna chuan tinge ngaihsakna a ken tel tak ngai tawh miah loh lee!!?? 

Beiseina ka lo nei sang lutuk zawk che anih pawhin min hrilh la, he inlaichinna kan pahnih duh thu ngeia kan siam hi tichhetu zawk nih i duh lohna vanga ngawih chuh ta zawk inih pawhin ka hrethiam che.

Mipa takin thudik min hrilh zawk la ngaihngam takin i awm thei zawk dawn asin. Hetianga i awm hian maw ka na zawk a, thudik min hrilh la ka na chu a dam zawk ngei ang lee !!??

Engpawh thleng thei turin ka rilru ka lo siamrem zawk mai dawn em ni?? 

Zep loh chuan ka ngai che a zep chung pawn ka ngai che.. Mahse he inlaichinna chhe lek lek tawh ah hian itel ve duh ta lo anih chuan khawngaihin ngawi reng lovin min hrilh hram rawh aw.

Nghaktu tan hun a reiin, beiseina beidawng mai a chang zo tam ṭhin emai..

Eleven

Mi famkim ka ni lo, mi fel tia sawi tur pawh ka ni hran lo.

Nun hi a hahthlak zia ka hria a, harsatna leh retheihna nun in a chawm len, hmuhsit leh elrelna in a chher hriam, 

Khawdur kara ni eng lo lang tur thlir tlat ṭhin tu, 

Chhuan tur neih loh vanga Pathian chhuang ve ṭhin mai zawk,

Belh tur chhung leh khat milian nei ve lo,

Hmelhriat ṭha (Ram hruaitu) nei ngai lo,

Duhsakna leh hamṭhatna in a kal kan fo ṭhin,

A chungah engpawh lo thleng se, tuar chhuak thei tura hrîn leh enkawl,

Chutiang mihring chu ka ni.

oxoxoxoxoxoxoxo

Ni 28.10.2015 a nat lawk awm lova min boralsan ta Ka pa ZD LALHLIRA hriatreng nan a ka ziah ..

Lei mi nihna hlip thlaa akianga kal tura sawmtu che thawm chu amawi ngang ania nge tiraw!!??

Hringmi ram hnuchhawna Lungloh tui hial i dâwn tak mai!!??

Mangṭha muttui ti a thlah lo khan,

An kohna awrawl pawh kha i chhang duh ta lova, 

Enteh,

I hma hi isial lutuk deuh a ni lo maw te ka ti ṭhin..

Mamawhtu che leh i hmangaihna dawn la mamawh tak tak an tam laia ṭawng ṭha pawha thlah lova i'n kalbo thut danah hian..

Damna rûnah khan itan damna dawi a awm ta lo anih pawhin an ngaihṭhatna tur tal pawh khan ṭawngkam ṭha tlemte tal pawhin engtin nge ithlah loh theih zawk!!??

Hmangaihtu tih dan tur reng chu a ni chiah lo asin..

Chunnu lunglai lo mawl zovin, hnem thei an amawi rih lo a hrailengte..

Hnem zo tak ang maw a rualduhten??

Awh zo awm tak ang maw an thinlung hmun ruak chu..

Lalpa lo leng la, an thinlung hmun ruak chu awh khah sak la,

Pa neilo te Pa inihna kha an chungah lan tir zel rawh aw..

Hun harsa leh khirh berah pawh huaisen taka an din ngam ve nan..