Opened Letter from BCM Pastor, Vairengte

~Rev Nghaktea

BCM Pastor, Vairengte in  Vairengte Aw whatsapp group  kal tlangin an bialtu MLA Pu RS-a open Msg a thawn

Pu RS chibai aw.., Kei pawh ka rilru a na...ka la muhil thei lo...

Ramri chungchangah hian vei tur atam a, mahse khawiah nge, tu hnenah nge ka sawi ang awww..Ka ti ṭhin a.

I hnena sawi hi a ṭhain ka hria a, Vairengte Aw Daily Newspaper Whatspp group kal tlang hian kan lo sawi ve ange.

Elite Studio Production Youtube Chanel leh Mizoram Official Youtube Channel ka en zo chiah a.

 Ramri chungchanga kan Sorkar chetdan hi chu a tlawm thlâk, a zahthlâk ka ti hle mai.

Kan ramri venhimna tur chuan Mizo mipuite hian a chheber pawh kan huam a ni.

Nangmah hi Politician ka duhthusam i ni ka ti thin, Serlui Bial chhunga thil theng zawng zawnga i chetdan hi ka fak che a, demna che ka nei lo, i tih tur i ti, i mawhphurhna ṭha takin i hlen fo ṭhin tih ka hria, ka fak thlawt che.

Mahse, thuneitu dangte (CM, Home Minister, Kolasib DC, Midangte pawh) Ramri venhimna ah hian eng rilru hi nge an put ang awww...??? Engtin nge ramri hi venhim an tum le???? Ka ti thin. 

Sorkar hian mipuite rilru a tina nasa ta hle mai (Congress sorkar lai atanga vawiin ni thleng hian).

Vairengte mipuite, Phainuam, Buarchep mipuiten "kan ram" tia kan ngaih hi Police lam leh Sorkar lam chuan kan ram ni chiah lovin a sawi thin a, chu chu Youtube channel thenkhatin ramri buai chungchang vedio an siamah an sawi kan ngaithla thin.

Ramri kan pawm dan chinah pawh hian Mizo mipuite (Vairengte, Buarchep leh Phainuam) leh Mizoram Sorkar ngaihdan in-ang lo te hi enge a awmzia le?

Zoram mipuiin "Kan ram chin" kan tih hi "Kan ram chin a ni chiah lo" tiin Sorkar hian venhim a tum lo niin a lang tlat. 

Chuvangin, Mizoram Police te hi kan ram lamah an hnungtawlh ta zel niin a lang.

Assam nena ramri buai chu sawi loh, Zoram mipuite leh Zoram Sorkar pawh hi thukhat vua a kan awm a ngai a ni. 

Hetiang hi a nih zel chuan Zoram hmangaihtu ve ve, Mipui leh Sorkar hi kan in rem lo dawn tlat. Kan rilru a thuhmun loh chuan engtin nge Assam ka hmachhawn theih ang??

Dt.20.7.2021 (Wed) nimin Aitlang lama Police awmna tur, Police hoten siam tura Thalai hoten siam sak an tum lai meka, Assam Police ten min rawn khap dai te kha, a tlawm thlak lutuk.

Ṭhalai te ngaihdan a nilo leh an thinrim Cement bag, a chhunga lei an thun sa an chek chhia te kha rilru ava na em! Ram hmangaih ṭheuh ṭheuh, ramri kan pawm chinah, kan ngaihdan a in-an loh vang a ni.

Kan ram hi Lalpa zawnchhuah ram a ni a. Ram humhalh leh ram tana tha leh zung sen hi a Pathian thu in a thlarau em em a ni.

A hnungtawlh zawnga kan awm hi a Pathian thu lo tlat.

Ram leh hnam thil avang chuan mipuite hian ṭâm, thih pawh kan huam, Mahse kan thi lovang, kan ṭâm lovang, Lalpan min hruai ang.

Kan Sorkar hian Assam hi kan hneh dawn lo nia hriain, Zoram mipuite hian kan tuar lutuk ang tih an hlauh avangin dawih, tlawm an chuh em ni ang awww???? Tih te hi rilruah a awm.

Hetiang rilru hi Sorkarin a pu a nih vaih chuan Zoram mipuite hian kan duh lo. Hetiang zawnga dawih a chhuah vaih chuan Zoram mipuite hi, khawvel hmaah kan zak ngawt ang.

Buaina pawh lo chhuak se, in kahna pawh lo thleng se, Zoram hi Assam lakah a tlawm lovang. 

Lalpa Kan Pathianin min pui ang. Hnehna kan chang ngei ang.

Pu Rs, ka thu sawi hi ngaih loh lamah ngai suh aw..ṭhahnemngaihna a nih hi. 

Kan ram tan theihtawp chhuah zel ang u.