Lalzemawii (Te-i) Sunna

 KAN THEN TAK

LALZEMAWII (Te-I) Kum-59

SUNNA HUN

Vuitu : Pastor Lalremruata (Bialtu)

A hun : 21st July, 2021 Dar 11:00

Kohhran : Presbyterian Kohhran

Thlanmual : Dinthar

LALZEMAWII (Te-I) CHANCHIN TLANGPUI

Vawiin a kan ṭhen tak Lalzemawii w/o Hrangchhuana hi Pu Phunthanga leh Pi Lalchuailovi te fa pathumna niin May 19, 1963 khan Bawngchawm-ah alo piang a. Pu Hrangchhuana nen hian kum 1986 khan inneiin fanu 4 leh fapa 1 an nei a, Tu panga a nei bawk.

A pianpui unaute :

1. Malsawmthangi 
2. Lalremruata (L)
3. Lalzemawii (Kan sun mek)
4. Lalngilneii
5. Laldinpuia h/o Duhzuali
6. Kaptluangi w/o Lalrinawma
7. Lallianpuia w/o Hmingsangzeli

A fate :

• Remsangpuii w/o Lalthakima
• Lallawmpuii
• Lalremtluangi
• Lalhruaitluangi
• VL Remruatpuia

Ani hi kan sawi tawh angin, nu nun zawi leh nem tak mai niin, Chhungkaw huikhawm thiam tak a ni a. Hmangaihna ngah tak leh mi pawisawi hlau tak a ni a. Neih chhun chhuna ui nei lemlo mi a ni bawk. 

A NATDAN TLANGPUI

Te-i hi kum 2016 khan chhul cancer niin, an in-checkup hnuhnung ber, kumin March thlaa an in-check up leh pawhin a result a ṭha hle a, kan lawm hle a. Tun thla, July 9 khan Covid vaccine te lain, a tuk ni 10 khan a khua a rawnsik a. Keini lah chuan chu chu hrethiam mai lovin, vaccine a lak avanga khawsik angah te kan ngai mai a. July 14 khan a khawsik rawn chhuak lehin a kua te a diklo zui ta a. 

Theih ang anga inenkawl ve zelin, doctor te pawh kan berawn chho zel a. A tuk July 15 tlailam dar 2:00 vel atangin biaktheih lohvin a awm zui ta a. Tichuan damdawiin ah tlanchho nghalin, test hrang hrang te neih a ni a, chutah chuan natna chi thum ngawt mai – Rannung seh, Mitliam leh Malaria (pf) te chu a lo nei reng mai tih hmuhchhuah a lo ni ta a ni.

Hemi tuma nikhaw hrelo va a awm hi engemaw chang chuan lawmna te kan han nei thar leh ṭhin bawk a. Mithiamte enkawlna leh Pathian awmpuina avangin a thisen lamte pawh a rawn insiamthar leh ni te in kan han hria a, kan lawm chho viau mai a. July 18-a test an han neih leh pawhin malaria leh rannungseh pawh chu hmuh a ni ta lo va, kan lawm viau mai a.

Chutih rualin, min kalsan hma ni July 19 khan kan mithiamte chuan Dialysis tih a ngai niin an han hria a. A taksa hi heti mai chauh anih avang hian kalkawng velah harsatna kan tawh mai te pawh kan hlauthawng viau chungin, July 20 (Thawhlehni) khan Aizawl lama chhukthlak kan tum ta a. Chhiahtlang dai kan han thleng a, a dinhmun ah kan ngaih a ṭhat takloh avangin kan kir leh ta chûk chûk a. 

District Hospital Serchhip kan han thleng leh a, a mutna ngai, cabin ah kan han chawl a. Chutah chuan thawktu kan mithiam tak tak te chuan min han buaipui chûk chûk laiin, July 20, 2021 chawhnu lam dar 1:00pm ah chuan a hmangaih em em te chu min kalsan ta a ni.

Lawmthu sawina :

Kan damloh tirh atang daih tawhin ṭhenrual ṭha, ṭhenawm khawveng ten min buaipui nasa em em mai a. Damdawiin-a kan indah phei hnuah pawh kan khawhar hlauvin tawi-awmtu kan nei reng mai bawk a, a lawmawm hle mai. Kan chanchin hriat duha lokal reng reng te leh phone hmanga chanchin min rawn zawt rengte kha kan tan chuan ava hlu tak em! Keini chhung hian engtikah mah kan rùl seng dawnlo che u a nih hi.

 

An chhungkua

Damdawiin lamah nise, thawktu te kan va han tibuai tak che u em! In thiamna zawng zawng bakah min tawrhpuina zawng zawngte hi kan tan chuan a hluin ava han ropui tak em! Chumai bakah a nachang kan hriatloh leh tihdan pawh kan thiamloh, Ambulance te thlenga min lo buaipui sak vek maite hi kan lawm takzet mai. 

In kan han thleng a, thenrual tha ten kan buai ngai miah lova inlam min lo chinfel sak vek maite hi kan lawm e tih ngawt lo hian engtin nge maw kan han tih ang le!

A fanu in a chanchin a sawi

Nizan lama kan khawhar hlauva zankhua zak mai a min menpuitu thalai rualte leh thenrual tha zawng zawngte chungah pawh kan lawm tak zet a. In mi tawrhpuina zawng zawngte hi kan tan rohlu tak mai a ni reng dawn a ni.

Vawiin a Te-i vuina hun hmang tura lokal zawng zawngte chungah pawh lawmthu kan sawi tak meuh meuh a ni e. 

 'An sawi vankhawpui tualnuamah,   min lo hmuak ang, tlansate nen'

~Hrangchhuana leh an fate

Vawiin July 31, 2021 hian lo lam kan ṭul deuh avangin ṭhenrual ṭha ten min khaichhuak a, kan va han lawm tehreng êm! Hetah hian mi 23 laiin min telpui a, a lawmawm ṭhin tak zet zet mai.

Kan va hlim si êm!