Zo Damdawi : Tumbu

                         TUMBU                            (Musa acuminata)

Family: Musaceae 

Musa flower bud 

Tumbu hi a duh tan chuan chawhmeh tui tak a ni a. A chhum tawp, a kan, a bai, pickle etc., angin a ei theih vek a. 

Chawhmeh tui tak a nih piah lamah taksa tan pawh ṭhatna a nei nual bawk a. Tumbu hi ram balhla pâr pawh a tih theih âwm e. 

Tumbu hian vitamin A, vitamin E leh vitamin C a pai tam a. 

Antioxidants a pai ṭha a. Dietary fiber, calcium, iron, magnesium, phosphorus, potassium, copper a pai a, tannins leh flavonoids a pai a. 

Pem thar damdawi ṭha tak a ni a, natna hrik inthlah pung tur a veng thei a. 

Iron tlakcham vanga thisen tlakchhamna, iron deficiency anaemia tan a ṭha a, a veng thei bawk a. 

Tumbu hian dietary fiber a pai tam a, zunthlum tan a ṭha bawk a. Zunthlum natna nei tan, tumbu hian thisena thlum awm zat a tihniam thei a. 

Taksa rihna tihhniam nan a ṭha a. Nu nau hnute pe lai tan tumbu hian hnute tui a titam thei a. 

Blood pressure a vawng dik thei a. Lung hriselna atan a ṭha a. Natna benvawn thlen thei, free radicals insiam tur vengin a titlem thei a. 

Hmeichhe thi nei tam lutuk ṭhin tan a ṭha a. Tumbu hian progesterone a titam thei a. Nu nau pai tan tumbu hi taksa mamawh pai, chaw ṭha tak a ni a. 

Tumbu hian min tiharhvângin rilru pik a tiziaawm thei a. 

Pum tan a ṭha a, tumbu hian chaw pai ṭawih a pui a, man tlawm si, chawhmeh ṭha tak ni bawk si a ni.

Thu lakna: ZO LENTU CHHÂWL DAMDAWI lehkhabu