CHHUANCHHAMTE TANPUI NAN BIKE KAN LILAM E
HRIPUI LENG VANGA CHHUNGKAW HARSA CHHUANCHHAMTE TANPUI NAN BIKE KAN LILAM E
~Vanneihthanga
Aizawl Ṭhuampui veng tlangval fel tak pakhat chuan hripui leng avanga khawsak harsa chhuanchhamte tan a bike ngainat em em, harsa taka loan hmanga a neih ve takmeuh chu hlan a duh mauh mai le!
He tlangval hian a rilruah, chu chu Pathian duhdan niin a hre tlat a, a bike hi lilam sak turin min duh a, ka phone number a neih mai loh avangin a ṭhiante hnenah min biak a duh thu leh a rilrua Pathian duhdan nia a hriatte chu a hrilh a, a thianten chu chu post chhawngin a viral nasa hle. A rilru puthmang hian mite thinlung a khawih hle a. Miharsate tanpui duhna thinlung a put dante, Pathian duhzawng nia a hriat tlat avanga a bike neih chhun, harsa taka loan hmanga a neih, pawnah pawh dah phal lova duat taka inchhunga a dah thin ngei mai tihral duhna thinlung a pu hi miin mak an ti a, amah an ngaihsan rualin an lainat tel hial a ni. Bike neitu tlangval hian a hming leh hmel tarlan loh chu a duhthusam a ni a, a thian ten hemi chungchang an post darhna lamah a hmel leh thlalak nen lam ṭhenkhatin an lo post chu pawi a tih thu a sawi. Tlangval fel leh inngaitlawm tak a ni.
He bike neitu hian a bike-ah hian tanky full-in petrol a thun a, liter 10 vel gallon-a a stock pawh a bike leitu hian a chang tel nghal dawn a ni. Heng bakah hian MT Helmet a la chhawm tel bawk. Loan hi rulh zawh fel vek a ni.
He bike hralhna sum zawng zawng hi mi harsa chhuanchhamte tan a ṭul anga pek chhuah a ni ang.
YAMAHA R-15V3 Racing Blue BS4 hi 155cc niin Rs 1,70,000/- velin loan nen a complete. A neitupa hian uluk taka a enkawl a ni a, racing nan a hmang ngai lo. Vawi khatmah la accident pui loh a ni. Thlaleh August ni 23 hi a kum hnihna tur a ni a, KM 8197 a tlan tawh. A engkim hi original vek a la ni.
Mi harsa chhuanchhamte tanpuina ni pah fawma chhang duh kan awm chuan ka phone number Contact No📞: 9615949012 -ah hian min rawn be dawn nia. Naktuk chhun dar 12 thleng lilam hun hawn a ni ang.
A ropui ka ti em mai a, ka rawn chhawpchhuak ve leh tawp mai. Tu huatthu mah kan sawi lovang chu maw! |
---|
Comments