Hringnun Hlimthla
~EstherPinky Fanai
Pakhat damdawiin ṭha ber ah a piang a, pakhat chu an mahni inah. An dam khawchhuak ve ve.
Pakhat chu a naupan tet aţangin school ṭha ber ah a kal a, pakhat chu sorkar school ah a lut a, High School an zo ve ve.
Pakhat chu khum nuam takah a mu a, pakhat chu chhuatah a mu zantin a, tui takin an muhil ve ve.
Pakhat chuan thawmhnaw man to leh tunlai ber ber, 'branded' a inbel a, pakhat chuan thawmhnaw mawl tak leh tlawm tak a inbel a, an saruak an khuh ve ve.
Pakhat chuan chaw tui ber ber leh sa hem hmin te a ei a, pakhatin buh leh dal a ei a, an puar ve ve tho a.
Pakhat chuan Lexus car a khalh a, pakhat chu public transport (bus) ah a chuang mai a, an kal tumna an thleng ve ve.
Pakhat chuan he message hi Sony Xperia/BB Z10/Q10, Samsung Galaxy 6edge/IPhone6+ ah a chhiar ang a, pakhat chuan Smart Phone pangngai ah a chhiar a, an message chhiar chu a inang.
Hringnun hi inelna a lo ni love. Kawngpui hrang hrang hian tum hmun khat a nei a lo ni zawk.
Ţhenawm hausa kan neih avang ngawt hian kan rethei ta lua a, kan hlawhchham a ni kher lo.
It zawng leh awh zawng apiang nei theite hi an lungawi kher lo asin, kan neihsa kan hman ţangkai hian kan lung a awi mai zawk a, mahni kan inhmuh dan hi a pawimawh ber mai.
Awh zawng neih hi hlimna a ni lova, kan neihsa kan semzai hi hlimna a ni.
Hlimna leh Lungawina hi kan thil neihah nilovin kan Thinlungah a awm!
Comments