MIZO TLANGVAL TEN ENGE AN TIH?

 MIZO TLANGVAL TEN ENGE AN TIH?

~Thelma Nanteii Pachuau

Hnam feeling la na ru phian si hian mizo tlangvalte khân in nupuite chawmnatur in thawkchhuak țha em? In lakah in nupui fanaute an thlamuang thei angem le?!

   Ni e, Mizo hmeichhiaten hnamdang an neihin in thin a damlo hlê țhin. A dik ka thiam lutuk che u. Mahse, ka han ti ange. Mizo mipa tamzawk hi chu mahni pawh inchawmzo lo. Nupui sorkar hnathawk zawngru ta pawh an tam khawp mai. Mizoram voters chhiarpuiah mipa in tlem zawk kha țang sauh sauh teh u. Chhungkua hungtak dintur leh thlah tamtak neithei turin han țang sauh sauh teh u le. Chawmtur nei lo zawnga chi thlah in hreh loh tluk khan a chawmtur neitur zawngin țan han la teh u. Piangta lo zawng zawngte khan in hmalam hun a hmuingil lohna  chhan tamtak a thlen che u ka ring țhin e.

 

  Mizo hmeichhe tam zawk hian hnamdang neih hi kan suangtuah lawk bik leh kan hisap a tel a ni bik hauhin ka ring lo. Mahse, tunlai chhanah Life is money, tih a ni zo tawh. Hmeichhiate pawn hmanlai a mipaten in intih lal khum ang kha kan ni chiah tawh lova. Zing varțianah thova zing buhden leh tuichawite eirawngbawl. Sekrek zawng zawng khawih ngai bawk. Pasalte mitmei râng hmuh hlau reng reng ang nun, Khatiang hun kha a liam ve tawh a. Hahdam leh Pasalte thlazar hnuai a Pasalte chhuang deuh vah a nunphung hman kan duhve tawh. In thlazar hnuai chu sawi loh țhenkhat chu nupuite chawmhlawm zawk nih in hrehta miah lo hi Nu tan chuan thlamuanpui in har ve thawkhat!! 

  Hnamdang mipaten in hnam hmeichhe rilru hriain dah nawmsak tumin hmatiâng an sawn khalh zung zung che u anih hi. Tunge maw Bag a pawisa awm aia awm lo tawp chu thlang duh bik ang??

    Nangni paw'n hmangaihna ai a rosum úm thovin a ni lawmni Nupuite hnuai a kûn a nau ek in suk lâwp lâwp tho. A pâ lo êm mai, in tih phal tawh bik loh hi. In thawh tawk a hniam emaw, a sang emaw chheltakin han bei fan fan ula. Bulțanna hi chhe hlê mah se, taimâkna rahchhuah chu a chhe reng thei miah lo ania. 

  Mi inchhung tifâi a eizawn pah a lehkhazirte hi i zak lovang u. Hmeichhe hna, mipa hna kan thliar hran țhinna te hi a lo dik reng reng lo. Lehkhathiam tak ni chunga mi hnuaia inhlawhte hi i zak lovang u. "Lehkhathiam chu thawk lovin ei rawh se" tih thuziak a awm lem lo. Kan State ve ang renrawnah hi chuan sorkar hna vekin lehkhathiamte a daih lo. Eng hna rum pawh thawktheitura Lalpa'n, âwm khauh taka a din in nih kha.

  Hmanlai chuan nula tlangval in awm mai mai hi an zak a. Mi pawhin an endan a danglam deuh hû țhin. Tunah chuan nu leh pa / Pi leh pu, chet theih țêk țêk chhung chuan kan mu vum thûr a. Kan țhu bawih hnûp mai a, a eitur duhtui tui kan la ni zui!! Vawk ke pahnih nei kan pung hi a ni ringawt ta mai. Vawk anga hralh chi lah in ni dēr si lo!! Chutiang mi pasal a neih chu in hnam hmeichhiaten an ngam lo. A risky lutuk!! Chuvangin vawk nunchan kha bansanin Fanghmir angin lo thawk la, Lo che char char la. Chhungkaw dinpui tlak mipa i hnam hmeichhiaten kan hmuve dawn nia. 

  MIZO TLANGVAL ȚANG TA CHE.

*********N**********