UCC In Zoram Kohhran A Nghawng Dan Tur

UCC In Zoram Kohhran A Nghawng Dan Tur

  ~Tey tmax

Denomination Church Sakhaw Pâwl ram chungchangah Pâwl hming nei Sakhua reng reng chu Denomination an ni.

Lal Isuan Petera hnenah 'He lungpui chungah hian ka Kohhran ka remchho anga ' tia alo sawi chu mahni lawina  Kohhranah kan inbel lût vek, he lam hi chu ka sawi tum lutuk ani lova Uniform Civil Code (UCC) topic ah lût teh ang.

Denomination Church, Pâwl hming vuah ho hi Sorkara inregister anni a, Sorkara in Register lovin  permanent hming nghet aneih ngawt theih loh, Kohhran tenau hming invuahchawp Sorkara Register loh awm te hi chu chanchinbu or News emaw official takin an lang ngai lem lo, example mimal hming chungchangah pawh hmingthlak chungchangah pawh Court a ngai zêl ang hian, a tawi zawngin hêng Denomination Church Sorkara inregister te hi Sorkar ta anni, UCC duh leh duh lo Denomination Church huang chhûngah pawh hian an kat nuk mai, mi ṭhenkhat mi vengva ve deuha hriat te'n ' Kohhran hian kan duh lova kan duh loh chuan an tilui lovang, Sorkar chuan Kohhran te chu a zah ve em mai, Sakhaw zalenna ram ani tlat a, chutianga min palzût ngawt theihna dan an nei lo' an han ti thla rawk a, kan ngaihtuah phâk chin kha ani miauva hetiang lam hawia sawi te pawh an demawm hran lo ve.

UCC hian engtiang takin nge min thunun ang?

Hei hi ngaihtuah chian ngai tak ani, tumah Sakhaw dangah a inleh theih dâwn lohva, entirnan Hindu chu Kristian ah emaw Sakhaw dangah a inlet thei dawn lova, Kristian pawh Kristian ani tawp ang, hnam dang te Kristianah a siam thei tawh lovang, chuti anih si chuan ram danga kan Missionary te tân Chanchinṭha hril rawngbawlna chu engmah lovah a chang dâwn tihna ani a, an la rawn ho chhoh ala ngai ve ngei ang, inhlawhfa ṭerm chu a tawp ang. 

Kan Pastor te pawhin Baptisma chang tur te a duh duhin a Baptist ngawt thei dawn lova, Sorkar aṭangin permit a lâk angai angai ang, Sorkarin phalna permit a pêk chauhin a Baptisma a chantir thei tawh dâwn anih chu, hei bakah hian 'Keimahah Pathian thu alo thleng nasa lutuk a tih vâng ngawtin miin Pathian thu sawi ngawt theihna dan a neilo, lisence permit neilo tan Pulpit tlângah Pathian thu a sawi ngawt theih loh chutah licence permit anei anih pawhin Sorkar Phal chin bâk Pathian thu an sawi thei lovang, example Tv channel ṭhenkhata Sermon tam tak kan hmuh te pawh hi a tam zawk chu an sawi tur chin bithliah anni tlângpui Sorkar thin khei zak lam thil te kha sawi a remlo tihna anih chu chutiang anih si chuan Pathian thusawi dân tur thlengin phal chin bithliah ani miauva Pathian thutakin hmun a chang dâwn lo tih alang chiang hle awm e.

Nupui/Pasal inneih, inṭhen rokhawm, thuam thil chhawm chungchang thlengin Court in thu a nei ang.

Example : Liana leh Sangi te chu inṭhen an duh a, an nupa in an remti thlap a, inkhatah pawh chêngdun thei tawh lovin Sangi chu an inlamah a haw a, an Kohhran Upa te chuan 'Sangi hi kan Kohhran members a ni a, kan mihriatchian a ni a, inṭhen an duh a, tiin hriatpuina te chu an Kohhran mi leh sa te chuan an ziak thei mahna, mahse inṭhen chungchanga thuneitu ber chu Court tho kha anih dawn avangin nupa awm hrang tawh pawh niraw sek sek, Court in a pawm tlat si loh chuan awm hrang tawh mahse inṭhena ngaih an ni thei dâwn chuan lo, hei ringawt pawh hian Right to freedom a kalh chiang, a awmzia chu nangma chungah ngei pawh khan nangmahin thu i nei pha dâwn lo tihna anih chu. Eden huan bawhchhiatna ata tawh a tawp thlengin Pathian hian Mihringte duhthlanna zalen a dah sak a, chu duhthlanna zalen tak Lalpan a pêk che chu, hmang thei lovin he UCC hian a thunun hmiah dâwn che tihna ani, Insawiṭhaihna lam ani lo ve. Inneih chungchangah pawh Dan fel thlap a awm tawh hi, India Danah chuan Kum 18 chin chu nupui pasal nei thei kumtling chin a ngaih anni a, inneih Certificate te pawh Sorkarah lâk anih zêl tawh hi.

Dodal viau avanga pumpelh theih ah i inngai em?

CAB pawh duhlo mipui tam zawk an ni a, hnam dang te hlei hlei hian an dodâl nasa. Mahse a rawn kaltlang pui tho, Aadhaar chungchangah ringawt pawh dodâltu an tam Zoram Kristian inti te aimahin hnam dang ho khu hetiang dodalna lam kawngah chuan  an che nâ 'Kan engkim an rawn hre tur hi kan duh lo, kan Privacy a tichhia' tiin kawng an zawh thil, Mizoramah duhlo tam tak awm ve mahse hnamdang te ang emin kawngzawh kan la awm hleinem, chutiang khawpa an dodâl nasat pawhin a rawn tlang leh tho bawk. Chutiang bawk chuan mahni ṭhuthmun ah inti Ringtu ṭha awm fahranin 'Kan duh ve hleinem Chutiangin min palzût ngawt lovang' kan ti vei pang pang a.

India Danpui hnuaia awm kan ni tih ah hian chiang phawt ila.

Example 'Pu Modi- a chuan mipui te lo inpuahchah lâwkna hun pawh siam miah lovin zankhat thilthu ah Rs 500 note chu ati thi thut, mipui nawlpui chu kan buai luai luai mai anih kha 500 note ngah ngah kha an che buaiin rilru hah tak tak an tam ngawt ang, 500 note thi tur nei ve lemlo an vannei leh deuh, 500 note a thih meuh chuan lehkha satliah hlutna neilo engmahlo mai a chang zo ta 500 note thi ai chuan Rs 10 pawh a hlu zâwk ang. 'Pu Modi a thiltih dan hi a ṭha lo. Hawh u Sorkar nawr ila, Band huaihawt ila chawngheiin nuar ang u' tih vanga Rs 500 kha lo nung leh tur anih phah chuang lova. Hetiang zawnga Band huaihawt chi lah ani lo bawk a, thi tura tih anih chuan a thi a ni mai, sawibuai theih kan neilo. Chutiang bawk chuan UCC pawh hi hman tur anih chuan 'Kan Kohhran chuan kan thlawp ve lo tia iak kal hian awmzia a nei thui lo khawp ang, CAB kha hrereng bawk la. 

Ṭhenkhat chuan, 'An pass leh Krista vangin kan tuar anga a ni mai alawm, keini chuan kan thlawp chuang lova' an ti. Hei hi chu mahni inhnêm chawpna mai ani, Krista vanga tuar ta viau ah kan inngai anih chuan kan inngai sual hle ang. Krista vanga tuar nilovin mahni luchunga meiling chhêkkhawl Pathian thinurna tuartur kan ni zâwk, engtin nge chutianga i sawi theih iti maithei, He UCC hian Sakhaw hrang hrang milembiate nen Dan pakhat hmangin min phuarkhawm miau si a, Chu Dan hnuaiah chuan Milembia te nên Dawhkan khat kan kîlza tihna ani, 

UCC Hlimthla a lang em?

'Aw a lang ṭan mêk tawh' tih hi ka chhânna chu ani e. Tûnhma a la awm ngai reng reng lo inneih Certificate/ Birth Certificate thlengin DC office ah tih anih zêl tawh hi, Sorkar ah zêl a ngai tawh, hrilen avangin Sorkar lam thuchhuak aṭangin kan dinhmun avangin Biakin khâr hial angai ta fo mai. Biakin khâr chungchang hi Upa te thurel a ni lova, kan dinhmun thlirin Sorkarin min puansak a ni zawk e. Hei ringawt pawh hian Kohhran tia kan lo sawi ve ṭhin chu Lal Isua Sawi Kohhran nên kha chuan A in anglo chiang ani, Sorkarin duh duha a kharsak theih a thunun theih hi engtiklaimahin Kohhran ani ngai lova Denomination Pâwl mai anihzia alang chiang hle.

Thupuan 3:7-8

 “Tin, Philadelphia khuaa kohhranho tirhkoh hnenah chuan heti hian ziak rawh: ‘Mi thianghlima, mi dik taka, Davida chabi neia, tuma khar loh tura hawnga tuma hawn loh tura khara khan heng thu hi a sawi a ni:

I thiltihte ka hria, chakna tlemte chauh i nei a, chutichung pawhin ka thu i pawm a, ka hming pawh i phat lo va, tuma khar theih loh i hmaah kawngka ka hawng e. 

He UCC hian kan Mizo Customery Law zawng zawng chu a rawn ṭhiat vek ang, tûnah ngei pawh hian kan hriatloh lamah arawn kalchho miah miah reng tawh a ni.

National Anti -coversion Bill he bill hi 

• Uttar Pradesh, 
• Himachal Pradesh, 
• Gujarat, 
• Chhatisgarh, 
• Odisha 
• Madhya Pradesh
• Arunachal Pradesh
• Utarrakhand leh
• Jharkhand ah te he Bill hi pass tawh a ni.

Anti - Coversion Bill hi Pass anih chuan A hmasa lama ka rawn sawilan tawh ang khian Kristiana lo luh duh te, kan Pastor te Missionary te ho pawh hian an duh duh an Baptist thei tawh dâwn lova, Kristiana lo lût duh te pawh in Sakhaw danga inleh phalna Sorkar ah an lâk zêl angai tawh ang, Sorkarin alo pawm lo anih chuan A inleh theih loh tihna anih chu, engkimah Sorkar a Lal ber zêl tawh dâwn tihna anih chu.