Engvang nge?

Tuipui chuan a hna thawh tur ang chu a thawk reng maw le. Khawmual lamah tuihu a rawn chhem lut reng a. Mahse, enga tinge ruah a sur that duh loh?

Tui hu chelh dinga a,chhuma insiam tura lo hiptu tur kan ngawpui te kan thiat chereu zo va, kan tlang te an kawlh tawlh tawlh mai a. Tuihu te hi Assam leh Meghalaya, Arunachal Pradesh lamah an tlan liam phei zel a nih hmel ta ber a ni. 

April 14 - 19 inkar ruah sur theih dan en hian  Mizoram, Tripura, Chin State thlang lam, Chittagong leh Manipur chhak lam zarten ruah tam vak lo an dawng thei ang a. Chin State chhak lam (ni chhuahna lam) hrul phei, Sagaing Region leh Magwei Region bawr chuan ruahtui an tlachham ang - Sur tam tur vak a awm dawn lo a ni.

Kale-Kabaw phai phei leh a chheh vel Sagaing Region Chin State te hian April 17 tlai lam vel atangin ruah dawn tur an neih tan ve rin a ni a, chu mi hma chuan ruah a sur mawh rih ang.

Kumin thal chu khawthlang thlivirin Mizoram leh a chheh vel bawr hi min tlawh serh bawk nen, India hmarthlang leh hmar lam laili bawr nen ruahtui kan tlachham ta viau mai. April ruahtui tam tura rin khan min huap tel hlei thei ta lo a ni.

Khawchin Thlirtu,

14/4/2022