LAL ROPUI LEH FING CHAWNBIKA

 HEI LE, LAL ROPUI LEH FING CHAWNBIKA THLALAK!

~Familia Fanai Lalṭansanga

• Kumpinu-in Lushai Hills leh Chin Hills a rawn run khan Zo hnahtlak zinga lal  ber chu Tashon, (Falam@ Tlaisun) an ni a. 

• Sap sipaite’n Falam an luhchhuah hnu khan mak an tih em em chu democracy dan hmangin an roreltu tur an lo thlang tawh kha a ni. 

• Falam roreltu council-ah chuan mi panga an awm a -

1. Man Hlorr @Manghlur, Kipbika fapa
2. Karr Lyin @ Kharlinga, Hniar-vuma fapa 
3. Sonpek @ Chawnbika, Kipbika fapa
4. Soung Karr @ Sawngkhara,
5. Hmuiluna fapa leh Boi Mon @ Bawihmunga, Lianmawnga fapa te an ni a.

• Falam-ah hian in 600 lai a awm a, veng @mual tinah in 100 vel a awm a, mualtin chuan an muala roreltu tur an thlangchhuak thin a ni. Chung veng @mual ruk lalte chu : 

1. Fangpo veng lal Sawngkhara
2. Khawthar veng lal Hniarchi-a
3. Botaw veng lal Manghlura
4. Laiko veng lal Thatpi-a
5. Hliap veng lal Zakuala
6. Lun-awn veng lal Bawihmung.

• Kumpinu do turin kawl lalber Tibaw siangpahrang leh Chin lal zinga fing ber Chawnbika te hi Kalemyo-ah inbia-in Kumpinu do tlat turin an inrem.

• 1886 kum khan Kumpinu chuan kawl lalber Tibaw siangpahranga chu manin India ramah an hruai. 1887 kumah British administrative officer Mr. raike chuan Chin lalte Kalemyo buddhist biak in, monastery-ah a kokhawm hlawm a, Chawnbika chu a kal ve duh lo a, Mr. Raike hian Chawnbika hi a hranin Sihaung khua-a a hmu a, an inbia a, Chawngbika chuan Sap thuhnuaia kun a tum loh thu a hrilhtlang. 

• Vai lianin Falam an thlen chuan “Falamah tunge lal ber?” an ti a, “Tumah lal ber bik kan awm lo, fin erawh chu Chawnbika a fing ber” an lo ti a. Chuvang chuan Chawnbika chu lal berah an dah ta a, Falam lal a lo ni ta a ni. Chawnbika chuan Vanhmunga a hring a, a ni pawh chu Falamah chuan a lal zui ta zel a. Falam chu Chin Hills-ah chauh pawh ni lovin Manipur tlangram thenkhat te leh Mizoram thlengin lal bera ngaih an ni ta . 

• Champhai zawla Vanhnuailiana a awm tirh lai pawhin Falam lalte zinga Thangduma hovin an  sial an rawn kawisak a, an lo dodal ngam hlek lova.

• Sailo lal Vuta fapa Kairuma Tlaikuanga a awm dawn pawh khan Falam thua awm a ni a, fa a neih khan a fapa hming chu Chawnbika’n a sa a, “Van hnuai leichinah kan lal em mai a, a hmingah Lalbika ni rawh se” tiin Lalbika a sa ta a ni. Mizoram chhung Laltuaka thlah Sailo lalna khaw 11 te, Hualngo lalna khaw 10 te, Zahau lalna khaw 6 te pawh Falam thua laltir vek an ni a, Falamah chhiah an pe thin a ni. 

References; 

1. The Chin Hills Vol.1 by Bertram S.Carey and H.N.Tuck, 
2. Mizo History by Hrangţhiauva & Laimi Suahkehnak by  Thlatin-thang.