Femina Miss India 2022

MISS INDIA 2022 ATAN SINI SHETTY

Jul 4, 2022 (MSR): India rama nula nalh, fing leh fel thlanna lianber pakhat, Femina Miss India 2022 intihsiakna chu nizan (Pathianni zan) khan Jio World Convention Centre, Mumbai-ah a hmawrbawk a ni a, Miss India 2022 atan hian Karnataka nula, kum 21 a upa, Sini Shetty thlan a ni.

Sini Shetti hi Miss India 2020, Manasa Varanasi, Telangana chuan Lukhum khumtirin Miss India nihna a hlan.

Sini Shetty hi Chartered Financial Analyst (CFA) zirlai niin 71st Miss World pageant ah India ram ai a awh dawn a ni.

Hetihlai hian Rubal Shekhawat, Rajasthan chu Miss India 2022 first runner-up niin, Shinata Chauhan, Uttar Pradesh chu Miss India 2022 second runner-up atan thlan a ni bawk.

Tun tuma Miss India jury panel-ah hian Neha Dhupia, Dino Morea leh Malaika Arora te an thu a, Cricketer Mithali Raj bakah Rahul Khanna, Rohit Gandhi leh Shiamak Davar te pawh panel-ah hian an thu.

Kumin Miss India thlanna a Mizoram aiawh, Miss India Mizoram hi kum dang angin social media lamah hmuhtur a tam loh vang nge, mipui vantlangin lan hmelhriat lo hle niin a lang. Hlui hi Govt. Johnson College a BA zirlai a ni a, Lalramhlui Sailo hian Beautiful Skin lawmman dawngin a tawp a thleng zo ta lo a ni.