HÎPNA NASA TAK NEI TLANG - MAGNETIC HILL

He tlang danglam tak hi Ladakh, India-ah a awm a. He tlang awmna hi Srinagar-Leh kawngin a tlan pel a. Helai tlang bula lirthei an tlan reng reng hian lirthei hi a hîp tlat zel a ni âwm e. Helai tlang bulah hian lirthei chu tidingin 'park' ta se. Lirthei chu nung lo mahse muangchangin amahin a lir hret hret tho zel. Tlang chuan a pawt ni âwm tak a ni. He a danglamna hmu ve châk hi an tam avangin 'tourist'-te pawh a hîp nasa hle bawk.

Van pana nimai âwma mawi niin an sawi a. He thingtlang khua pakhat Leh khuaa chengte hian sawi dan an nei a. Hmanlaiah chuan helai hmunah hian kawng a awm a. He kawng hian mihringte chu Vanramah a hruai thin. Lirtheite pawh hi kawng chhova ding pawh nise a chho zawngin he tlang hian a pawt kal tho a ni âwm e. Vana kal phute chu he kawng hian pawtin a hruai thleng a, mahse vana kal phu lote chu a hruai ngai chuang lo a ni. He tlang hian thir hîp thei ang maiin hîpna nasa tak mai a nei a. Helai hmuna tlan leh zin mi tam takin an sawi tawh avangin dawt chu a nih a rinawm loh. Mitvai leh hmuh sualnate pawh a siam thei niin an sawi a. 

Mit hmuhah chuan tlang ang tak langin kawng chhova tlan anga lang siin kawng chhukah an tlan thin ni âwm tak a ni. Thenkhat chuan he thil awm ve avang hian he tlang hian hipna nei tak tak lovin he mitvai vang hi a nihte pawh an ring thung. He tlang hi Leh khua atanga km 30 a hlaah a awm a. He tlang hîpna avang hian Indian Air Force te pawhin an thlawhna kawng an sawn phah hial a. Thlawhtheihna a pawt thla emaw a thlawh dan a tibuai ve theite pawh a ni mai thei le. He hmun tlawh nanan hun duhawm ber chu July atanga September thla hi a ni. Eng pawh nise he tlang hi hmun dangdai tak niin a lang a. Sawitu leh tlawhtu pawh an tam rem rem hle a nih hi.