ZPM HQTR - PRESS RELEASE

KAN BULTANNA TUR CHU ENG THIL PAWH MIPUIAH ZUAR DAWN ILA, RESEARCH BASE A NI TUR A NI – Pu Lalduhoma, ZPM Leader.

Aizawl, the 3ʳᵈ Aug., 2022 : Nimin 2ⁿᵈ August ni 2022 khan ZPM Leader Pu Lalduhoma chuan ZPM Research Wing buatsaih ‘Workshop on Vegetable Market’ Chaltlang Tourist Lodge-a neih a hmanpui-naah thu a sawi. He hun hi Prof. H. Ramnghinglova’n a kaihruai a, mi hrang hrang hnen atangin thupui thlan bik ngaihthlak a ni bawk.    

Pu Duha chuan, “Thiamna bik nei mi thiam 60 rual zet mai kan rama kuthnathawktute din chhuahna veitu in lo kal khawm hi thil la awm ngai lo a ni a, ka hnuk te pawh in ti ulh a ni. Mithiam rual midangte tan luanchhuah duhna rilru pu mi heti zat in lo pungkhawm ka hmuh hian politic-a ka zuan luh hnuah ka hlim ber ni te zinga pakhat a tlingin ka hria a,” a ti. 

ZPM Leader chuan, “A taka vegetable supply chain ti tute, a bikin loneitute’n rin ngam  harsa an tih thu an sawi hian ka rilru a luah hle a, kum 35 chhung party pahnih ten thlai thar an lo chintir tawh, an lo bum tawhte hi chuti maia an rinna hlawh hi thil harsa tak a ni a, amaherawhchu, a tak taka hna-thawktute’n a taka kan kalpui hunah chuan Mizo mipuite-a rinawmna lain phum ru tlat  hi hai chhuahin a la awm ang a, rinawm takin sumdawnna kawngah pawh Mizote hi kan la kal theih a beiseiawm a ni,” a ti a. “Beidawng mai lo ila, mipuite rin ngam tura kan awm phawt chuan mipuite hian min la rin ngam ngei ngei ang tih hi i beisei tlat ang u,” a ti bawk.

Pu Duha chuan, “Thil eng pawh ti dawn ila, vision neih a ngai a, ram kan hruai tumnaah vision a ngai a, dream mai mai erawh chu a ni tur a ni lova, kan vision chu a ngelnghetin a tluantling (sustain-able) tur a ni thung a. Tluantling (sustainability) tur chuan a pawimawh hmasa chu a eizawngtu tan eizawnna tlak a nih a ngai phawt a ni. Pahnihnaah chuan midang tan leh vantlang (society) tan thil tha lo thlen tur thil a ni tur a ni lo, zu zawrh kha sum hmuh nan a tha viau mai thei, mahse vantlang tan a tha lo. Pathumnaah chuan environment friendly a ni tur a ni. Kan bultanna tur chu eng thil pawh mipuiah zuar dawn ila, research base a ni tur a ni. A kal kawng (road map) kan siam chin lo chu mipui hmaah kan dinpui tur a ni lo. Kan ramah research base a kan kal loh avangin kum 35 chhung hian kuthnathawktute thingtlang lo neih bansan tura duhthlan tur kan pek hi a tam lutuk tawh, thlai kan chin thlawntir eng zat nge awm tawh. An kut a durh thlawn a, an thlan a far thlawn a, an kawng a kham thlawn hnem lutuk tawh. Thlai inchintir ringawta, a market ngaihsak zui loh a tam, hetiang mai mai hi kan duh tawh lova, zirchianna research base in ZPM chuan hma kan la a ni,” a ti bawk. 

                                 Sd/-

            (ZOHMINGTHANGA ZOTE)

                            Secretary

          Media & Publicity Department

ZPM General Headquarters, Aizawl

ZPM-01/22-A/22-23/92

Dated the 3rd August, 2022