YUMKIPPUR WAR

~TkaZote Thankhuma

YUMKIPUR WAR

(October War)

---------

 

Octoberthla kan lo hmang liam leh dawn ta reng mai. He mi thla kan lo thlen hianIsrael leh Arab Indo thu kha rilru ah alo lang leh thin a. Ziak a tam tawh hlea, mahse Israel te Pathian hnam thlan an nih zia, an hnama an chian em em danleh, Indo an thiam dan em em khu sawi ngun vang leh ziak a tam vang ngawtangaihnawmlo a ni chuanglo a ni.

 

1973October thla khan Middle East kan tih Israel ram ah khuan indona rapthlak zet maihi a chhuak pek a, chu indona lo chhuah dan chu hetiang deuh hi a ni.

 

1948kuma Israel in Independent an hmuh dawn khan UNO chuan tuna Israel ram lo ni takhu Palestinians te nen inphel phawk mai tur khan ruahmanna a han siam a, hetiaUNO a ngaihtuah anih dawn tum pawh hian, Arab ram te hian lam ṭang an ngah zawknasa mai si a, Israel palai te chuan an hlauthawng khawp mai. Palestine te nenram chu inphel a, a hming a ram chhe te tal neih ve chu Israel te duhthusam a ni.Vote an lak dawn ni a UNO Assembly hall an han lut tur chu, David Ben Gurionphei chu a tap chhuak hial niin an sawi.

Tichuan,UNO chuan November ni29, 1947 ah chuan "Partition on Palestineresolution" chu a passed ta a, "Israel chuan mahni ram a nei ve ngeitur a ni" tih chu UNO thutlukna a ni ta. Jerusalem erawh chu Sakhaw hranglian tak tak Christian, Muslim leh Juda te hmun thianghlim anih vangin UNOhnuai ah awm rih se tih a ni thung. Israel hruaitu te chu an lawm em em mai a, kum2000 dawnlai an lo vahvaihna chu a tawp dawn ta hian an hria a. Mahse PalestineArab lam hian - a vai hian kan ta tur a ni an ti tlat mai a. Arab ramhrang hrang te chuan an fuih sauh sauh mai a. Chutih laiin, Israel te chuanindependent puan ngei kha an tum nghet ve bur bawk si. 1948 may ni 14 ah chuanWorld Zionist Congress President, David Ben Gurion chuan independent chu a hanpuang ta dup dup mai a, Arab ram tangrual te chuan an nuihzat ngei mai. A chhanpawh chung hunlai chuan Juda hnam diktak chu Israel ramah maktaduai khat erhawrh chauh hi an la awm si a, Arab ram mihring mtd za tel te chuan nuai chimihleh nghal mai an tum a ni.

 

Henghun laia Israel Sipai hotu te chu, Yitzak Rabin, Moshe Dayan te ho kha an ni a,an fing in ralrel an thiam em em mai a. May ni 14 zinglam dar 1:30 ah Syriasipai rual an rawn lut nghal hum hum a, a tuk leh lawkah Jordan ho chuanIndependent lawmpuina niawm fahran hian Laipui lian in an rawn kap nghal churchur bawk a; Israel sokar lah chuan Sipai pangngai pawh an la neilo. Volunteerserawh 117,000 an nei chauh.

Arabram tangrual chuan Israel sipai te chu chhut chimih vek tumin a siruk la takmeuh hian an rawn bei nghal mup mup mai a. He indona hi Independent War an tihtak kha a ni a. An inbei nasa riap riap ngei mai. Khawvel Indopui ll na zawhhlim deuh hlawl kha ala ni a, indona avangin ram tamtak an tlu chhia a, Sorkarthar tamtak a piang bawk a. Mahni ram theuh hmasawnna ngaihtuahin an buai em emvek a. Israel Ramthar lo piang ta chu a bo leh mai dawn em tiin khawvel sorkartin te chuan an ral thlir tawp mai a ni.

Heinbeihna ah hian Israel Volunteers 27000 lai an thi a, Arab lam phei chu100,000, chuang an thi a ni. Arab ho in Israel ramthar nuai chimih an han tumngawt mai chu an rin ang leh beisei dan a ni ta hauh lo mai le, Arab sipai rualte chu nasa tak in an sawisa ta hrep mai a, chu mai bakah Jerusalem khawpuichanve lai chu an la ta mai a, a tawi zawng in sawi ila, "an lo sopji"nek mai a ni. February thla 1949 ah chuan Independent War chu alo tawp ta rih a.

 

Arabtangrual te thinlung a dam thei mawlh lo. 1955 ah chuan Aigupta sorkar chuanStrait Of Tiran ah Israel sumdawng lawng kal phal lovin a khar ta hmiah mai a,tha rum hmanga hawn a ngai. 1956 ah chuan an inbei leh ta thut mai a, hemi tumpawh hian Arab lam chu mualpho lutuk in an tlawm leh ta a. Hei hi "Sinaicampaign" an tih thin hi a ni.

 

1967ah a siruk la takmeuh meuh in an rawn beihrawn leh ta a, he indona ah phei hichuan Niruk chhung lekin Israel te hian an ching chau der mai a, Arab tangruallam chu le Khawvel hriat ah zak ngawih ngawih in an awm leh ta a.

 

October war chu

Henghun laia Egypt ram politics thu inchuh lar ber chu "Israel ka nuai chimitvek ang " tih hi a ni. Israel Do ngam a piang chu tling tur an ni mai.Israel chunga phuba lak chu an thlahlel ngawih ngawih mai a ni.

1970inthlanpui ah chuan sipai Colnel, rorum zet mai Anwar Sadat a chu thlantlin aloni ta a, Israel do chu a tum nasa ngang mai; Russia lah chuan alo phur pui emem mai a, Arab ram hrang hrang ah chuan a ralthuam chhuak thar ber ber chu mantlawm te te in a lei tir zung zung mai a. Arab ho lah chu Oil ngah ram an ni a,an hausa em em mai si a, an pawisa te chu Ralthuam lei nan chuan an han uilo emem mai khawp a. A leitir tu, Russia lah chuan an ralthuam chhia apiang chu a tharhlaka thlak char char alo tiam zui bawk nen, A siruk la tak meuh meuha beihpuithlaka Israel ram chu chhutchhiat vek chu an tum leh ta a ni.

 

Octoberthla ni 6, 1973 kum a ni a. Harmon tlang leh Lebanon tlang te chu favangnichhuak chuan a rawn en sen ruih mai a. (Yumkipur or Yamkipuu) He ni hi Judaten an serh em em Sual thupha chawina ni an tih Ni a ni a. Hemi ni hianJuda hnam reng reng chuan hna an thawk ngai lova, a kulmuk zual phei chuanlehkhathawn chhiar tak ngial pawh an duhlo reng reng. Chaw an ngei hmiah a,tuisik takngial pawh an in duhlo. Israel ram mimal dawr leh Sorkar office rengreng pawh an chawl thup mai a. Radio leh Tv Station zawng zawng pawh an chawlthup mai a ni. Diktak chuan hemi ni hi chuan Israel ram khu a thi a ni ber mai.A thi anih loh vek pawh in mi thi tur mar phu pawh hmuh zawh tawhloh tluk velhi an ni. Nula tlangval te pawh hlimhlawp bawlna lam reng reng hnuchhawn inSynagogues lamah tawngtai turin an kal sung sung a, chutia an kal pawh chu nguileh ngawi nghuai mai hian an kal nguah nguah mai ṭhin a ni. An sual te sim aPathian hnena sual thupha an chawi a, lungngai taka an awm ni ti ta ila a fiahber awm e. Yumkipur ni hi chuan Israel ram khu a nung feih feih a ni ber mai.

 

ARABSorkar tangrual chuan leee! Hemi ni ngei mai hian Israel chu beih thut a chhut-chhiatvek mai chu anlo tum reng mai chu niin; Chhimthlang lam atang chuan Egypt sipai450,000, zet leh Tanks 3000 bakah Thlawhna 697 lai mai chuan an rawn bei tathut mai a. Hei ngawt pawh hi indopui ll laia El Alamein hmuna German GeneralRomel-a sipai leh Montgomery sipai rual belhkhawm ai pawh khan an tam daih a ni.Khami tum khan German lam in Tanks 500, leh England lamin 1500 vel an hmang a nihkha.

Egyptsipai rual chu le, Sinai thlaler panin an rawn thawk khu mup mup mai a, SuezCanal rawn kan sauh sauh a, Israel ram chhung pawh chu rawn phing chil hrep maichu an tum nghet hle a ni. Hetiang hun hi ala thleng ngei dawn tih hria in,Israel ralrel thiam Berlev-a remruat dan in, Suez canal kam tluan mai ah hianPetrol pipe anphum tluan zui maia a khat tawkin Suez canal ah chuan pipe hmangvek in anla peng thluah mai a, Hmelma lokal hunah chung petrol te chu Suez ahchuan an phuhchhuak chur chur anga an bomb alh pup anga, meidil ah a chang maidawn a ni. Heng bakah hian Canal kama tluan ah chuan Barleve line an tih,Israel sipai kulh rinawm eltiang mai chu an siam tluanchhuak zui mai bawk a, chungah chuan Israel sipai 600 vel hian ral an veng ru khiau reng a ni.

Yumkipurni zinglam ah chuan Egypt Sipai rual chu le Nghalpui sa hrang hmu ang mai hianan rawn pangawzial ta mup mup mai a, Israel ralveng 600 vel lek tan lo danngaihna an awm lo. An petrol pump khawl chu an han herhnung ta hlurh hlurh mai a,mahse a hma zan lamah khan Egypt military Intelligent ten an lo hre ru kar maihi a lo ni, a hma zan lam ah an tan chhum veka an lo hnawh ping vek mai chuniin a hman tlak ta lo. Israel sipai te chu Man an ni ta a, Egypt sipai techuan elsen tak hian Israel Flag te chu an pawtthler in chil te an chhak vel a.Barleve line pawh an rawn man ta. Hei mai hi a ni lo; rikrum thil ah tiin Mitlapass kalkhan ah hian Israel te chuan Kulh nghet lutuk mai an nei bawk a, chupawh chu Egypt Sipai te chuan an rawn tawntlang ta purh mai a, Egypt sipaiGeneral Shahzills a chuan alar phah vet vet ngei mai. Egypt Radio leh Tv techuan ‘kan sipai huaisen te chuan Sueze Canal an kan thla tawh a, Barleveline leh Mitla pass te pawh kan Sipai ten anla ta Israel sipai tamtak man an ni’tiin an puang ulh ulh mai a. Egypt mipui te pawh an phur in an hlim ngei mai.General Shah Zills chu an fak luih luih mai a, Israel General Moshe Dyan aiin aropui zawk an ti a, Cairo khawpui nula tlangval te chu kawtthler ah te tlanchhuak in Israel Boral rawh se, an ti a, an hlim em em mai a.

MahseIsrael General te chuan tumah tawlhkir tawhloh tur, tih chu an thu rolum a nive ta. Thlaler ni sen sa hnuai ah chuan an inkap ta siah siah mai a. Vaivut khunen, silai khu leh Bomb khu te chuan vansang takah par a chhuang luah mai a ni.Hetih lai a Sinai thlaler chu Cyclone thlipui in a nuai ta emaw tih tur hian akhu ding mup mup mai a ni. Silai, Bomb leh thlawhna tla thawm te chu a ri thumhum hum a.

 

Heimai hi ala ni lo, Chhimlam atang chuan Suria sipai 200,000 dawnlai te chuanTanks 1300 thlawhna 700 zet hmangin ṭo ruah haw tur ang mai hian an rawn nawrthim khu luih luih mai bawk a. Israel Sipai hotu lian te pawh an mangang hmanngei mai. Defence lama thu neitu lian te chu an in hmukhawm rup rup mai a, Atombomb hman mai te an tum ut ut mai a ni. Arab ram tangrual sorkar 13 dawnlai inan rawn bei a ni bawk a, a luhaithlak hle ta ve ang. Heng hunlai hian Israelramah mihring 5,000,000, pawh an awm tling lova, Arab lam lah 100,000,000 chuangfe an ni si. Khawvel sorkar tamtak chuan Israel ram chu nuaibo a ni tak taktawh ngei dawn anih hi an ti a.

MAHSE,October ni 26 alo herchhuah meuh chuan Suria sipai rual te chu an lo nawrkir fetawh a, Russia in a thlawn deuh thaw a a pek an rakthuam tam tak chu dim baksaklo hian an kahchhiatsak buaih buaih a. Motor leh Sipai hmanrua phurtu lirtheileh Tanks tlanchhia te chu Thlawhna hmang in an bomb zui pawp pawp a, Tanks lehLaipui tam tak chu an mansak bawk a. Syria sipai rual chu nasa taka chhutchhiat an lo ni tawh a, an Tank leh sipai thuamphur motor rual te chu hmuntinhmuntang ah an kang khu vung vung tawh a. Damaska khawpui pawh km 40 lek in anhnaih ta, Damaska khawpui chu le Israel Bomber rual chuan an bomb ta hum hummai a.

 

Chhimlamatanga rawn beitu Egypt sipai rual te kha Thuangthum in an lo thawk a. 200,000lai chuan Suez Canal pawh an tum ang ngei in an lo kai kha a ni a, Israel sipaite chuan hnungtawlh an tum ta bik ikhaw ta si lo. Chutia Thlaler ramro nisarumrut maia an inkah mup mup lai chuan General Ariel Sharona hote chuan an sutlang ve ta hrawih mai a, an tlan tlang nghal pur pur a, Suez Canal chu an kanthla ve thung ta. Hetia Suez an kan chiah hian, Egypt sipai 3rd Army ho Supplykawng pawh an dang ping ta chiah mai a ni. Israel Defence ministry atang inthupek alo thleng ta a, "Suez Canal chu kan thla mah ula, hma thar lathawh hrih suh, Sipai kan hek lutuk" Mahse Gen. Sharona chuan chhungthupek chu bawhchhia in, Cairo khawpui an pan ding ta ngat ngat mai a, Aiguptasipai chakkhai lakna kawng zawng zawng lah chu an dang ping vek ta bawk si,Egypt Sipai ho chu le, thlaler ni sen sa hnuaiah Chaw leh tui nghei in an awmta thuap mai a ni. Chutia Sharona hoten Egypt khawpui Cairo Tanks rual nen anpan ta hum hum mai chu, a hma kar lawka Egypt mipui lawm em em te chu anthlaphang leh ta em mai a, Egypt Sipai rual 3rd Army lah chu Israel Sipai techuan an dang char ta reng mai nen, riltam a thih mai an lo hmabak ta.

Hemitum hian a lawm Israel Defence Minister Moshe Dyan chuan Gen, Yisrael Tal ahnenah Aigupta Sipai ho chu that mang vek tura thu alo pek ni! Mahse Gen,YisraelTal hian zah a ngai ta a ni. Egypt sorkar chuan an sipai dan char tehnena Chaw leh tui pek phalna dilpui turin UNO chu an tahawh ta ngawt mai a ni.

 

AN THIH LAI CHU ANDAM LAI

 

KhatiaIsrael Ram zawng zawng a reh thuap lai khan, an enthlatu pawl Mossad an tih hotan chuan an beng chhit ngunber lai alo ni aniang chu, khatia an rawn beitur tekha darkar minute nenlam anlo hrefai vek tho mai. Mahse Chutia Rampum Mimal lehSorkar chevel reh thup mai chu thawklehkhata han chechhuak nghal thut theinibik heklo. Sawitak angin Israel sipai ral hmatawng te chu an tawlh ta hun hunmai a, Israel ram chhunga Hotel neitu pawl ho chuan sipai vakvel tan a thlawnachaw an pek theih thu an puang nghal a, mimal Bus leh Car te chuan Sipai chhutireng reng a thlawna an phurh theih thu an puang sup sup bawk a. Damdawi in techuan damlo leikang deuh chu chhuah in sipai hliam tan khum an tiruak zung zungbawk a, Israel Radio leh Tv Program te chu anti nung nghal vek a. Israel leh Arabindo a chhuah tak thu an puang chum chum a. Radio ah te chuan thu mak sak taktak Intelligent lam tana thuruk Sipai Chhuti kohna niawm tak tak an tiri lehthut thut thin a. Mipa Ralkap chhawk turin Nula hmeltha tak tak te chu Sipaihmun hnai ber panin antlan sung sunga Damdawi in ah te chuan thisen petur anintlar nghal pet put mai a ni. Hetiang hian Israel ram thi lek lek Mar phu detdet mek chu Darkar 24 chhungin Sakawr piantha thaza lutuk ang mai hian anloinpeih leh ta a ni.

Mahsesawitak angin Hmarlam atangin Suria sipai rual anlo tleh hum hum mai a,Khawchhak lamah lah Jordan, Irag, Iran tangrual anlo thawk mup mup bawk a.Chhimlam ah lah Egypt sipai te chuan Suez Canal an rawn kai ta mup mup mai a.Egypt sipai te hian Silai mak danglam tak, Kawtlang ringawt mai hi an rawn akferfur mai a, henghi Russia Ralthuam tharlam ber Tanks leh Thlawhna kahnaMissiles kahchhuahna an lo ni reng mai a. Israel Tanks leh Thlawhna te chuan antuar nasa ngei mai. Amerika lah chuan hetiang lam Ralthuam hi ala pe ve hmansilo. Khawvel sorkar dang te chuan Israel ram chu a boral tak tak ngei dawnanih hi an lo ti hman a, Russia lah chuan Ka lamtang Arab an tlawm mualpho zingtawh bawk a, tuntum chu han sawisa ve deuh rawh se ti niawm tak hian UNO lamahreng reng ka an ang duh lo. Mahse sawitak ang in Israel Pilot te leh Tanks pute chu an huaisen em em mai. Russia ralthuam thar Missile bum dan te chu an zirthiam thuai mai. October ni 24, 1973 ah te chuan Suria sipai te chu an nawrkirin, Golan tlang ah te chuan an ching hrep hrep tawh mai a, Egypt sipai rual lahchu Chaw lo tui lo in Thlaler nisa huam mai ah chuan an lo dangchar in an Tanksleh motor Awmkhauh rual te chu hmuntin hmuntang ah naupang huaibak in a inkhuallemna hmanrua a paihdarh ang mai hian an awm zekzuk tawh mai a, sipai thileh hliam te chu bawihsawmtu pawh awmlo vin an let kawi zekzuk tawh bawk nen,che leh tur reng reng an lo awm tawhlo. Egypt Sipai hotu ten Suez Canal kananlo rel kher kher chu an inchhir ngei mai.

HetiaEgypt Sipai riltam ho chhan tur hian General Naamman leh a ho ten an rawn beichiam mai a, mahse Israel sipai te hi Lungbang sut ang talh talh anlo ni ta. Hemitum hian Russia chuan an ralthuam thulkhung tha ber ber nen Arab ram te hi a hanthuam tak na a, atir lamah han tawlh deuh mah se, Israel lam bawk chu hnehtu anlo ni leh ta zawk a. Russia ralthuam tha ber ber te chu an mansak in a siamdanthlengin anlo thiam phah ta a ni. Hetia hnehtu tur zawka ngaih an lo tlawm lehta hi Russia ram hruaitu ten an la na em em mai a, an sipai bupui nena Arab lamchu puih law law mai an tum ut ut mai a. An Helicopter Gunship rualkhat pheichu an chechhuak hman niin an sawi. Heng hi America in alo hriatin, PresidentRichard Nixon pawh in an lawng Sipai rual leh Thlawhna pawl ho te chu inralrinnahmawrtawng ber number 1 a awmtur in thupek alo chhuah ve hman hial a ni. Indopui chawhchhuah ai chuan tiin, hetih lai a America Secretary of state HenryKissinger (Juda pachal bawk) chu Moscow ah thlawklut in Mr Breznev chu avathlem dai thei ta a ni ang. Tlem ah tlemah USA leh USSR te chu thapui hmanginan in khuai nuai lo chauh a ni e.

KhatiaArab tangrual an lo tlawm leh dawn tak ah khan USSR (Union Of Soviet SocialistRepublic= Russia) hruai tu Breznev hian Amerika President hnen ah, hetiang deuhhian Lehkha a thawn a ni awm e. Middle East buaina chungchang ah remnatluantling a awm theih nan sipai thawn ve ve ila tih lam hawi hian a thawna ni awm e, chu chu Pentagon lam in an han ngaihtuah ta a, CIA report ah RussiaHelicopter Gunship rualkhat chu che chhuak mai tur in an inpeih hle tawh ang inreport a lut ta bawk si. America hian ram venhim kawnga thawktu reng reng (Armforce zawng zawng) khu chi 5 in a then a. 5 na, indo chhuah huna Sipai koh maitur, (reserve) 4 na Chawlh hmang mek, 3 na Sipai awm mai mai, 2 na, Thupek hmuhveleh in singsa nghal thei, 1 na Sipai ral ram pan tura inpeih reng, (Ralthuamfamkim nen a in thuam sa reng) te hi.

KhatiaRussia hruaitu Lehkha an han hmuh chiah khan "Israel leh Arab Indo mai maizawng an hmuhnawm tham lo emai, keini hi in khuainuai zui law law ang" atihna tluk a ni. Hei vang hian President Richard Nixon hian a sipai rual,Thlawhna sipai, Lawng sipai leh Army te chu In ralrin na number one a awm turin thupek a chhuah ve ta niin an sawi. Chutiang alo nih takah chuan pentagon aan ralrelna hmun ah chuan Indopui lo chhuah huna hma lak dan tur an lo duanlawktawh, Computer a an dah diam mai chu an herh hawng ta a, Bomber rual in Russiakhawpui an bitum tur theuh leh Lawng sipai te pawh in Nuclear bomb hmangaRussia leh a lamtang te khawpui leh sipai hmunpui an bitum tur theuh hriat tirnghal an ni a, B52 Bomber rual pawh Vansang lamah an thlawk chhuak nghal a,thupek an hmuh veleh an target lam pan mai tur in Pacific leh Atlantic tuipuichung ah te an thlawk kual huai huai mai niin an sawi hial a ni. Hemi tum hichuan America hian "Thal" a thlah hman teuh hle awm e, Cold War ahpawh a vanglai tak tak kha a ni bawk a, NATO leh Amerika lam tang sorkar tamtakpawh an lo in ralring thup hman a, Indo a chhuah vaih chuan Nuclear indona aningei mai dawn si a, Khawvel sorkar dang (tualdawih sorkar) zawng zawng pawh inthaw dep dep in an lo thlir ringawt mai a ni.