LDC ATAN CCA/DCA CHAUH MAW?

 Source

Mizoram sawrkar chuan LDC hna chu Mizoram State Council for Technical Education (MSCTE) in a pawmpui zirna in (Mizoram a private a computer zirna ho hi) atanga DCA/CCA pass chhuak te chauhin an dil thei a ti mauh mai hi eng ti zai zia nge le? Heng Computer thiamna te hi eng an ti ta nge?

- UGC in a pawmpui University hrang hrang hnuaia BCA/BSc(IT)/BVoc(IT)

- National Council of Vocational Education and Training (NCVET) in course a approve tawh leh NSQF a align thlap tawh heng NIELIT hnuaia CCC/ECC/O-Level/A-Level/DEOA etc, Sector Skill Council course hrang hrang te.

- AICTE approved thlap MCA/BE/BTech (IT/Comp Sc)/Polytechnic Diloma (IT/Comp Sc)

Engvangin nge India ram chhunga course lian tak takte hi pawm an nih loh chhan ni ta ang? A chhan ni awm leh ka comment kan han tarlang teh ang-

1. DCA/CCA zir kher lo chuan LDC ho hna hi an khawih thiam lo em ni?

- Ni teh suh e! Heng DCA/CCA zirtirtute hi O-Level/A-Level/BCA/MCA/BTech te hi an ni fur mai. Anmahni zirtitute duh lo a, an zirlaite zawk duh tlat hi a va mak ngai ve.

2. O-Level/A-Level/BCA/MCA/BTech te hi chu an overqualified alawm.

- Miin CCA/DCA Certificate an hum avang hian O-Level/A-Level/BCA/MCA/BTech an pass leh pass loh a hriat loh. An overqualified lo a ni tih hre tur chuan khawvela zirna in zawng zawngah enge an pass chhuah tawh an zawh chhuah vek a ngai ang. Rules a DCA/CCA chauh tih hian overqualified ho a veng lo.

3. Mizorama CCA/DCA zirna in neitute hian sawrkar hotute mawng an hiat a ni mai lo maw? Nge a rules siamtute zingah hian heng zirna in atanga hlawkna tel emaw an awm a ni ang?

- Thil ni thei a ni mai ang a! Nang enge i ngaihdan.

4. Mizoram mipuiten zirna a sum an sen tih hniam na tur a ni ang em?

- Ni lul lo e, kan ram chhunga a thlawna Computer zirna in te certificate pek chhuah an pawm duh lo hian a nih loh zia a ti chiang. Heng DCA/CCA te hi fee tam tak chawi a zir ngai an ni a. A thlawna zir theih course te chu an hnawl hmak. Mipui tana phurrit chhawk lam a lang lo. 

5. MSCTE pawmpui zirna in hi enge a awmzia?

- India rama zirna in IIT/NIT/University/NIELIT etc a heng course hrang hrang BCA/MCA/BE/BTech etc. te hi an ni affiliate chi a ni lo. AICTE/UGC/NCVET etc ah te approval nei thlap an ni. MSCTE pawmpui an tih ho chu Mizoram chhunga Private Computer Zirna in nei, CCA/DCA course run tura MSCTE in a pawmpui ve ho hi an ni. 

Tlipna: Kan sawrkar hian mi thiam lak a duh a, mipuite hmakhua leh Office hmakhua a ngai tak tak a nih chuan heng course dang te hi LDC atan hian pawmpui rawh se. LDC recruitment ah hian Computer Test a awm tho a, an duh a nih chuan Computer Test hmang chuan an thiamna test sela, a thiam te chu la mai rawh se.

India ramah chuan Computer zirna hi pawmpuitu lian tak tak an awm a. UGC, AICTE, NCVET, State Council for Technical Education etc. Hengho hnuaiah Certificate hi pawm mai sela a him a a tha ber bawk. Hei hi Certificate lem a veng bawk ang.