Lirthei Hlui leitute tan

 LIRTHEI HLUI LEITU LEH NEITUTE TANA HRIAT NGEI NGEI TURTE

Lirthei hlui inleisak kan ching em em a, thenkhat phei chuan document fel lo pawh kan lei hreh lo fo. Mahse, tunah chuan Insurance Regulatory and Development Authority of India (IRDAI) chuan dan thar kumin 1st January atanga hman tan turin a rawn duang ta tlat mai a, chu chuan mi lirthei hlui leitute tan harsatna a rawn thlen ta chiah a ni. Harsatna a thlen kan tih rual hian thil tha tak an ti tel bawk tih kan hriat a tha.

Dan tharah chuan lirthei insurance-ti turin a neitu hmasa ber (1st owner) KYC kha a ngai ta a, Pan card/Adhaar card/voter's ID/Driving License, heng zinga eng emaw ber hi a rawn phut (demand) ta tlat mai a ni. Tam tak chu a neitu pahnihna(2nd owner) mai ni tawh loin 3rd/4th/5th owner thlengin kan ni a, a neitu hmasa ber biak pawh ngaihna hre tawh lo hi a tam zawk kan ni ang. Mi lirthei kan leiin an ID thlalak emaw, a photocopy (xerox) dil nachang kan hre lo a, hming thlak kan ngaihsak lo a, chu chuan a neitu hmasa tan pawh harsatna a siam fo thin. Chuvangin lirthei hlui i lei dawn reng rengin ID proof-atan Voter ID, Adhar card, Pan Card etc. dilna chang hriat tur a ni.

Khing document zinga mi khi 1st owner-ta pakhat tal i neih loh chuan i lirthei kha insure-theih a ni tawh dawn lo a, insurance ber a nun loh chuan document dang i renew-theih dawn loh avangin i buai telh telh mai dawn a ni. Tunah hian mi dang lirthei i lei chhawn kha i la kawl a nih a, insurance a la nung a nih chuan rang takin nangma hmingin document siamtir vat ang che. Hming thlak chungchang bikah hian harsatna i nei a nih chuan messenger lamah min lo be dawn nia. Tin, document smart card-ah khan 1st owner phone number a inziak thin a, chu chu a neitu hmasa khan a la hmang a nih hlauh chuan a chunga document kan sawi zinga mi pakhat tal khi i dil dawn nia. Hming thlak tur tan voter ID dil ngei ngei tur.

hming thlak fel tawh tan buaina a awm lo.(edited)