DAN PALZUTNA RAM MIZORAM

DAN PALZUTNA RAM MIZORAM 

- Vanneihthanga

Mizoram tluka chawhmeh kharchhawng ho huangtauna ram hi a awmlo hial awm asin. Pedestrian footpath thlengin reitheihna hmatheh-ah hmangin, inthlahrung hauh lohin chawhmeh zawrh nan kan hmang hmiah hmiah mai a. Sawisel ngam reng kan awm lo. Mahni inthiam chawpa dan palzamna ramah kan inchan chu a ni ta ber a. Vantlang kawng nek huai apiangin zak miah lovin dan an palzuta, hmu reng siin sawisel ngam aram kan awm lo va, sawichhuak tu nih hi thil nuam a ni miah lova. Hmelma insiam belhna mai a ni. 

Mahse, dan dik lova thil ti kan hmuh reng, kan ngawih bo pui hian dan bawhchhiate kan vulh pung tihna a ni thei hial si a.

Leivung leh bawlhhlawh chi hrang hrang ni se, a hmun lovah kan paihin kan thehdarh a. Kan veiin kan au reng a. A sawt mawh hle mai! 

Heng kan thil tih diklo hian kan leilung leh tui tlan thlengin a ti bawrhbang a, keimahni tan thil thalo kan ti tih kan pawm hleithei lo. 

Trinity hospital atanga Hualngohmun inkar kawngpui pheiah hian  KRAM Infra. Pvt. Ltd. ten PHE deptt. hnuaiah contract hna thawkin, Tawitlang atangin gravity-a tui lakna pipe an phum a. Chu an pipe phumna an hai khuarna leivung zingah chuan, hmun dang atanga leivung paih thin ten an leivung a rukin an chhung vum ther thur mai niin tukinah Engineer pakhat chuan min hrilh. 

KRAM ho hian Mizote hi sual min va han ti dawn tak em aw! Kan chanchintha hril hi engahmah an ngai lo tawp ang. Lal Isua hmel ti baltute kan ni. Kan inngaihtuah chian a ngai khawp mai. 

Vei tur hi a tam mange!