J&K ah Lithium

 Lithium

JAMMU AND KASHMIR CHHUNGAH LITHIUM TAM THAM HMUH A NI, INDIA RAMIN ELECTRIC CAR SIAMNAAH KAWL A ENG

FEBRUARY 10, 2023 :

Khawvelah lithium hlawm lian leh tam thama lai chhuak ram te chu Chile, Australia, Argentina ram te an ni. BBC News, Delhi in thu a dawn danin India chuan a ram chhungah lithium tam tham (reserves of lithium) awm hmuh chhuah vawikhatna a ni tih a sawi. 

Lithium hi Mizo țawngin a awm chiah lo a ni ang. Thir chi khat aluminium rawng ang - nem tak (sak lo) vâng tak si (rare element) a ni. Lithium hi battery hman nawn tura tihchak leh theih (rechargeable) siamna atan hman a ni a, mobile phones, laptops, electric vehicles bakah lung chak lo țanpuitu khawl (pacemakers for heart) etc te chu a hmanna lar leh tlanglawn a ni. 

India sorkar-in nimin Ningani (February 9, 2023)-a a sawi dan chuan Jammu and Kashmir ram chhungah lithium 5.9m tonnes hmuh a ni. 

India ramin lithium a mamawh hi Australia  leh Argentina ațangin a la lut țhin. 

Expert te sawi dan chuan he thil hmuh chhuah hian India ram chu boruak chhe zel venna tur leh oil renchemna kawnga a hma lakna chu nasa takin a tichak thei dawn a, kum 2030  ah chuan private car zinga  30%  electric cars neih hman a tum a, hei hi boruak khu bawlhhlawh tih tlemna tur leh khawvel boruak lum chak lutuk tih ziaawmna tur a ni. 

Geological Survey of India hian lithium awmna (lithium reserves) hi  Jammu and Kashmir chhung Salal-Haimana area, Reasi district ah an hmu ti Ministry of Mines chuan a sawi.

Kum 2021 khan Karnataka state chhungah lithium tam tham vak lo an lo hmu chhuak tawh bawk a ni. 

Vivek Bharadwaj, secretary, Ministry of Mines secretary chuan Mint newspaper a hrilh danin, khawvel hmanraw changkang leh tharin a mamawh India ram chhung ngeia zawn hna hi ngawrh zawkin an lo kalpui tawh a ni. He chona hma chhawn tur hian "a zawn chhuah dan pawh kan tidanglam a ni," a ti. 

Khawvel boruak bawlhhlawh leh boruak lum chak lutuk venna turin thir vâng chi (rare metals) mamawhna hi a pung nasa hle a, lithium hi chumi zinga mi chu a ni. 

Kumin 2023 hian China chuan Bolivia rama lithium siamna tur thuthlung  $1bn (£807m) a siampui a,  lithium  21m tonnes laih chhuah hna a ni a, khawvelah a tam ber a ni.

 World Bank sawi dan chuan khawvel sik leh sa lum chak lutuk tiziaawm tur hian kum 2050 ah chuan lithium laihchhuah leh hmanna hi 500% a tihpun chu a hma chhawp a ni. 

Hetiang hi anih mek lai hian, mithiam te (experts) sawi dan lithium laihchhuah leh sawngbawl dan hi a hautak a, ram ngaw sik leh sa tan țha lem lo tak a ni. 

Lithium hi Australia, Chile leh Argentina rama an lak chhuahna chu, lung sakhat leh lung chang tak (extracted from hard rocks and underground brine reservoirs) a ni. 

Mizo Mining engineering pahnih Hriata Chhangte leh Chhangte Sawmliana te hian a laih chhuah dan, lithium tak la chhuak tura a sawngbawl dan te, a man zat te, chi hrang a awm em tih te an sawi belh theih chuan a lawmawm ngawt ang. 

 Source :

BBC NEWS 

February 10, 2023

10022023

Huna Kawlvawm