A FANU PASAL NEI TUR HNENA A PA THUCHAH SAWM

 A FANU PASAL NEI TUR HNENA A PA THUCHAH SAWM 

I lo pianna rûn tlansanin, ka tângnêm atangin i chhuak a, kumkhuaa a tângnêm bel turin min tlansan ta a. Chuvangin, kei i pa hian i vawn reng turin thusawm - (10) ka pe a che, i thawmhnaw angin ha reng ang che aw, ka fanu.

1. Ka thu aiin i pasal thu ngaipawimawh rawh. (A hnena awm reng tur i ni sia).
2. In chhungkua atan i rilru pe vek la, i tlansan tawh i nu leh pa In a nawmna sawichhuak hlek suh.
3. I pasal zah hle rawh. Hmangaih êm êm la, zah bawk rawh. (Pasal zah thiam apiang an nun a hlim thin).
4. I Pasal phalna tel lovin i nu leh kei i pa hi chengkhat mah min pe hlek suh. (Min pe a ni vaih chuan maw rûkruah min siam tihna a ni).
5. I pasal leh a thiante an țhut ho a, engemaw an sawi khawm a nih chuan an bulah awm ve suh. (Mipa rual an ni a, hmechhe hriat chi loh a awm thin) choka lamah awm zawk la, an mamawh pe turin in ready zawk rawh ).
6. I Pasal tawngkam rumin be hmasa suh (I pasal a thin a rim pawhin tawngkam nemin be thin rawh aw).
7. I Pasal thiante rei deuh kawm thin lo la, rei an mitah en bawk suh ang che (Inthikna hi nuthlawina bul țan tirtu a ni si a.)
8. I pasal laka i lungawi loh thu, i unau te emaw, kei i pa emaw, i nu hnenah emaw sawichhuak hlek suh ang che. Kan thinrimpui che anga, thil tha lo a chhuak palh anga, i pasal chu kan hmu misual dah ang e. Thil tisual ve thin tho i nih kha aw.
9. I pasal hnenah i lungawi lohna emaw, i thinrimna emaw a awm chuan a chhung leh khat, a nu leh pa hnenah i sawi zawk thin dawn nia. A têttê atanga a mizia lo hre tawhte an ni si a. (Chu chu in tana that tlan zawkna tur a ni).
10. I nu leh pa, i unau te ai mahin i pasal nu leh pa, i pasal u leh nau hmangaih zawk ang che. (Chu chu kan hnen atangin i chhuak a, i va fin te kha an ni si a). I thinrim paw'n tawngtai theihnghilh ngai suh ang che.. Ka hmuh phakah i awm tawh lova, mahse kan Pathianin a hmu reng che tih theihnghilh suh ang che..