Ka fapa Biakmawia

 Ka hman lawk lo va...

Ngai teh, ni9 liam ta, unau hmelhai a ni tawh ang; Alpha Hospital ah chuan Biakmawia B/o Hmingpuia chu dar 7:35pm ah khan hring alo chang ve a. Khawvel miten bûkna an tih hmanga an han bûk meuh chuan Kg4.350g lai alo ni a, Dr. Mamawii leh thawktu dangten an zaichhuak a ni. 

A hma chuan ZMC, Falkawn lamah neih beisei a ni a. Amaherawhchu a U Marini'n leimin vel avanga a hlauhthawn deuh avanga sawihovin, a pa Mamate thurawn angin Alpha lamah chuan neih a ni ta zawk a ni.

A U Remkima motor nen

A nu hi Alpha Hospital leh ZMC lamah te Mamawii râwnin tum3 a kal a. Biakmawia pute- Dina leh Tlangmawia te bakah, a pa Hlua (Lalhminghlua) te chuan anmahni lirthei kengin a nu hi an hruai ṭhin a ni.

Biakmawia pian dawn hian a pu Tlangmawia chuan ava hruai leh a. Hetia Check up a an zin a piang hian a nute Duhtei chuan a kalpui zel ṭhin a ni. Tlangnuam lamah innghatin, a nu BSI te inah chuan a pute leh a nu te chu an innghat a. Tichuan Hopital lamah an chhuk ta.

Dr. Mamawii va hmuin, a ni chuan a sawilawk tawh angin alo admit nghal hmiah mai a. Zai tura buatsaih a ni ta.

Zai anih nachhan hi - A u alo pian khan  neih pangngaia neih theih beisei a ni a, mahse hipchhuah ngai (a kumkuruh a kau theihloh avangin) kha a lo ni a; tin, a u nen hian an inkar a hlat deuh bawk avangin leh, a taksa dinhmunte enin, zai mai ṭha a Doctorin a hriat avangin zai a tum ta a ni.

Tichuan a lo piang chhuak ve ta. Thenzawlah rawn hawin, a U Âmtei chuan min chamchilh chawt mai a. Ani hi experience tha tak nei amg maiin, zei takin a nau chu a enkawl chho ta a. Ava han lawmawm êm!!

Khua a lum deuh bawk a; Zan lamah hian, thla 2/1 chhung chu khum a mutpui a duh hauhlo mai a. A u Âmtei'n a mutpui chang a tam hle. Ani hi Serchhip lama a haw chhoh hnu hian, Sitting room ah, dawhkan te chungah a mu ta thin a. A nute Thani'n naute thosilen a pek chu a hmang tangkai hle.

Harsatna em em awm lovin hun a kal zel a. Lalpa malsawmna in, damdawiin kai ngai khawpa a awm lo leh, a nu - zaipui tuar pawhin insawiselna em em nei lova a awm chho zel hi ava han lawmawm êm!

A U nen hian an inhmuhar deuh a. Minute 6681600 = darkar 111360 = Ni 4640 = Kar 662 = Thla 152 = Kum 12, thla 8 leh ni 13 ah an inhmu chauh a nih hi.

Kum a tlin hma deuh hian, tawi te te chu a kal ve ngei mai a. A Ni Lali pawhin artui a chhumsak nghe nghe a nih kha.

A birthday hmasa ber hi a U Marini Nu leh Pate'n Birthday Cake nen an lawmsak a. Zanah a thei thei kalkhawmin, CAKE chu kan pir ve anih kha!

An unau in..

Hemi Ni hian a kal tha duh vak lova. Mahse a tuk chhunah erawh chuan a kal reng mai thung.

Ngawi teh... a piancham thlen hmain, a ha hnuailam pahnih ṭo thu ka la sawilo. A ṭo hun tak kha ka lo hre tawh lo va..