SUPREME COURT-IN HEARING AN ȚAN TA-2
Manipur Violence >>
SUPREME COURT-IN
HEARING AN ȚAN TA
PART - 2
AUGUST 07, 2023 (MSR) :
Chawhnu dar 2:00 ațang khan Supreme Court chuan Manipur a Meitei leh tlangmi zo hnahthlakte inkara chi leh chi buaina (ethnic violence) chungchang thu buai chu a ngaihtuah chhunzawm leh ta.
SUPREME COURT BENCH
He thu buai ngaihtuah tura din Supreme Court Bench, judge pathum awmna hi CJI DY Chandrachud chuan a ho a, midang pahnihte chu Justices JB Pardiwala leh Manoj Misra te an ni. CJI DY Chandrachud chuan August 1 nia he thu buai ngaihtuah lai khan he thu buai chhui zui hna thawh dan chu vuaicha lutuk "muthlu chunga thawh" ang mai anih thu a lo sawi tawh a. Thil pawi thlen ațanga ni tam tak hnuah FIR te pawh ziah luh leh hnuhnawh a ni a, he thil pawi kaihhnawiha mihring mante lah chu an tlem tham lulai lutuk tiin Manipur Police te chu thunun loh leh thununtu tur pawh awm chuang lo niin a ăn khum hrep anih kha.
MANIPUR, DAR 01:53 PM
Meira Paibis (Meitei Hmeichhe pawl) chuan Sunday khan Imphal West District a convention an neiha an thu relah chuan, Thawhțanni (vawiin) ațanga lungawi lohna lan tir an rel a ni. Assam Rifle an duh loh vang a ni. Tun hnaia lungawi lohna lantir (agitation) lai khan Assam Rifle ho hi mipui lakah tharum thawhna uar leh mipui laka kut thawh nasa lutukah an puh a. Manipur chhunga tharum thawhna (violence hit area) ațanga Assam Rifle leh paramilitary forces țe chu sawn chhuak turin an phut a ni.
DAR 2:26
HEARING ȚAN A NI
Sorkar laipui aiawha ding Attorney General R. Venkataramani chuan Supreme Court hnenah hetiang hian a sawi. "Thil sual titute zawn chhuah kawngah hian kan fimkhur hle a țul a, hemi avang hian Sorkar chuan he thil hi puitling takin a bawh zui ang," tih Supreme Court hnenah a sawi.
"Thu buai ziah luh leh FIR te dinhmun hi eng ang chiaha pawi nge khawih anih tih zir chian atan zau tak leh uluk takin kan thlir ang a, district ang pawhin kan thliar sin leh ang. Tualthah thu buaiah chuan SP leh officer dangte an awm a, hmeichhiate chunga mipat hmeichhiatna lama pawi khawihna thu buaiah chuan hmeichhe officer pawh an awm ang," a ti.
DAR 02:34 PM
Manipur Sorkar chuan Supreme Court hnenah, "hmeichhe laka pawi khawihna FIR 12 te chu CBI lamin a chhui zui hna an thawk ang," tih a hrilh.
Supreme Court Bench lamin Central, State Sorkar te thu leh hla a ngaihthlaksak hmasa phawt a. Hemi hnu lam hian thu buai thehluhtu lam aiawha Advocate dingte lamin eng thu nge an neih tih leh Supreme Court Bench in engtin chiah nge an ngaih dan leh an sawi zui dan kan la sawi leh ang chu.
Hearing kal mek anih avangin thu hlawm khawm pawh a buaithlak deuh tlat mai.
Source :
Live Law
07082023 @ 3:41
======07082023
Huna Kawlvawm
Comments