Hindi i zir ang u

 Hindi hi tawng pawimawh tawp a ni, ti thawr mai ang. A pawimawhna erawh sawi sen a ni lovang a. A hnuaia mi te khu lo en in lo zir la, a hranpa a hindi zirna sikul a kallo te tan a ṭangkai hle in a rinawm.

HINDI HI

By: Zairemthanga

'Hindi lama hma kan sawn theih nan tiin ka phak tâwkah thahnem ka ngai ve thin hle a, lesson bakah Hindi chungchang hrim hrim hi ka post ve ta fo mai. Mahse..

Thenkhat chuan, 'intithiam' min ti a, thenkhatin, 'group nen a inrem lo' te an ti a, thenkhatin, 'a ho' an ti a, thenkhat chuan post min approve-saktu admin te an dem lek lek bawk a. Thenkhat lo hlut ve êm êmtu an awm ve tho thung a. Ka sawi duh chu hetia post-ka siam hian a hranpain cheng khat mah ka hlawh lem lo a, ka phût hek lo a, Hindi hi a pawimawh ka tih êm avanga ka thahnemngaihna vang liau liaua post-ka ni.

India ramah kan awm miau avangin a pawimawhna hi a la tam dawn chauh a, kan la mamawh dawn chauh a ni tih hi i hre hram teh ang u. 'Kan inhriat thiam tawn chuan a tawk, dik tak kher a ngai lo e' tih rilru kan pu tlat a, vai mistiri kan biak theih naw naw chuan kan duhtawk mai a, kan hmuh phâk mistiri ho hian Hindi hi an Mizo tawng pai ang chiah hian Hindi hi an pai tih kan hre lo fo. Sap rama awm kan tum a nih lem loh chuan kan mamawh chu Hindi a ni. Thiam ngei kan tum a ngai.

Sawi tawh thin angin kan zai thiamte pawh hi Bollywood playback singer-ni thei tur khawpa thiam an ni. Mahse, Hindi kan zir tha duh lo a, duh anga a hla thute kan lam dik/fuh theih loh avangin mahni youtube channel bak an pel thei lo chu a nih hi. Fuihna thu han sawi ve lahin 'chapo/intithiam' nih kan hlawh daih bawk si! Hetiangte chuan engtin nge hma kan sawn tehlul ang? A thlawn liau liaua zir tur kan post pawh lo helh tâwk kan awm zel chu a ni si a.

Kan khaw hawi kan tihzau a, kan  thliarkar rilru pawh hi paih a hun takzet tawh a ni. A thatchhia leh zir peih lo, sawisel peih deuh deuh hi thalai lam deuh, Mizo tawng pawh type dik thiam mang lo an ni duh zêk lehnghal a. Hetiang zela rilru kan put a, hmasawn kan tum lo a nih chuan India ramah hian State hmuhsitawm kan ni chho zel dawn a ni. Hindi kher loah pawh a tha lama hma kan sawn deuh deuh a pawimawh khawp mai.

Thu belh: Lesson han post fo pawh a inthlahrunawm lek lek a ni.'

Pu Zairem Thanga hian heng a hnuaia mite hi a rawn thawh a, a lawmawm hle mai. Chhiar teh le!

1. Hindi Lesson - Part 1
2. Hindi Lesson - Part 2
3. Hindi Lesson - Part 3
4. Hindi Lesson - Part 4
5. Hindi Lesson - Part 5
6. Hindi Lesson - Part 6
7. Hindi Lesson - Part 7
8. HINDI ZIR/ZIRTIR DAN THA LEH AWLSAM